საქართველოს მაგალითისა და გამოცდილების გათვალისწინებით, ყაზახეთის დედაქალაქ ასტანაში, საბაჟო გაფორმების ცენტრი გაიხსნა.

როგორც აზახეთის რესპუბლიკის ფინანსთა სამინისტროს შემოსავლების კომიტეტის თავმჯდომარის მოადგილემ, გოსმან ამრინმა აღნიშნა, ამოქმედებული პროგრამა, საბაჟო გაფორმების ეკონომიკური ზონების საქართველოს მაგალითზე შექმნას ისახავს მიზნად. 

პროგრამა „ასტანა 1“ ,საქართველოს საბაჟო სისტემაში მოქმედი საბაჟო დეკლარირების პროგრამის თითქმის ანალოგიური იქნება. 

შემოსავლების სამსახურის უფროსის მოადგილემ ვახტანგ ლაშქარაძემ, ღონისძიების მონაწილეებს, საქართველოს ფინანსთა სამინისტროს შემოსავლების სამსახურის სახელით, სიტყვით მიმართა და პროექტის წარმატებით განხორციელება მიულოცა.

მისი განცხადებით, მნიშვნელოვანია, რომ ყაზახეთი, საქართველოს მაგალითის მიხედვით, საბაჟო მიმართულებით იწყებს გამჭვირვალე, მოქნილი, მომხმარებელზე ორიენტირებული სისტემით ოპერირებას.

ლაშქარაძემ იმედი გამოთქვა, რომ აღნიშნული სისტემა ყაზახეთშიც ისეთივე წარმატებული იქნება, როგორც საქართველოში.

ასტანის შემდეგ საბაჟო გაფრმების ცენტრები ეტაპობრივად ალმა-ატაში, შიმკენტში, პავლოდარში, აქტაუსა და ყარაგანდაში გაიხსნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიქტორ ორბანმა უნგრეთში საპარლამენტო არჩევნებში დამარცხება აღიარა

ორბანის ოპოზიცია გამანადგურებელ გამარჯვებას აღწევს

უნგრეთში ხმებს ითვლიან, ლიდერობს ოპოზიციური Tisza

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში