2016-06-27 12:43:47, 1217 ნახვა
სამართალი
მერაბიშვილსა და უგულავას ერთ საკანში არ მოათავსებენ
შინაგან საქმეთა ყოფილ მინისტრ ვანო მერაბიშვილსა და თბილისის ყოფილ მერს გიგი უგულავას ერთ საკანში არ მოათავსებენ.
„რუსთავი 2“-ის ინფორმაციით, აღნიშნული გადაწყვეტილება დღეს სასამართოლოზე გამოცხადდა.
როგორც ყოფილი მერის ადვოკატმა ბექა ბასილაიამ განაცხადა, ისინი ყველა სამართლებრივ გზას მიმართავენ, რომ საპატიმრო დაწესებულებებში მერაბიშვილის და უგულავას უფლებები იყოს დაცული.
„ყველა სამართლებრივ გზას მივმართავთ და ყველა საერთაშორისო ინსტრუმენტს გამოვიყენებთ, რომ გიორგი უგულავას და ივანე მერაბიშვილის უფლებები იქნეს დაცული, საპატიმრო დაწესებულებაში ისინი აღარ ექვემდებარებოდნენ არაადამიანურ მოპყრობას, რაც გულისხმობს იმას, რომ მხოლოდ და მხოლოდ მარტონი არიან საკანში ამდენი წლის მანძილზე“,-აღნიშნა ბასილაიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
