პირველად საქართველოში მსოფლიოში აღიარებული ბრიტანული ჯგუფის GORILLAZ SOUND SYSTEM DJ SET გაიმართება. 

GORILLAZ SOUND SYSTEM DJ SET  საქართველოში კომპანია Next Events-ის ორგანიზებით სპორტის სასახლეში 2015 წლის 7 მარტს ჩატარდება.

ბრიტანეთიდან თბილისში ჩამოვლენ ჯგუფ Gorillaz- ის დრამერი Russel Hobs - ვიზუალში, GORILLAZ SOUND SYSTEM - ის დამფუძნებელი - DJ Remi Kabaka, ასევე სოლისტი Spoek Mathambo, რომელიც განუმეორებელს ხდის მათ ერთ - ერთ სიმღერას Clint Eastwood. 

„ივენთი მთელი ღამის განმავლობაში გაგრძელდება. იქნება ჯერ არნახული კლუბური საღამო, დიჯეებით და ვოკალით, იმუშავებს ღია ბარი და სპორტის სასახლეში მოსულ სტუმრებს GORILLAZ SOUND SYSTEM -ი დაუვიწყარ საღამოს ჰპირდება, მათივე შემნილი ვიზუალით და განათებით. ჯგუფი დაუკრავს ყველა მათ ცნობილ კომპოზიციას ვოკალთან ერთად“, - აცხადებს კომპანია  Next Events-ის  წარმომადგენელი.
ღონისძიებას გახსნიან ქართველი დიჯეები.

ბრიტანულ ჯგუფს საკმაოდ საინტერესო ისტორია აქვს -  2011 წელს ჯგუფმა დროებით შეწყვიტა ფუნქციონირება, თუმცა 2015 წელს საქმიანობა ახალ ალბომზე მუშაობით განაახლა. 

ჯგუფ Gorillaz -ის სოლისტის დეიმონ ალბარნის ინიციატივით, რემი კაბაკამ, იგივე რასელ ჰობსმა (ანიმაციაში მისი სახელი) Gorillaz sound system -GSS შექმნა, რომელშიც  ჯგუფ  Gorillaz -ის რამდენიმე წევრი გაერთიანდა. 
მათ GSS - ის სახელით 2013- 2014 წლებში, წარმატებული ევროპული ტურნე მოაწყვეს, თუმცა ამიერკავკასიაში არ ყოფილან და მარტში საქართველოს პირველად ესტუმრებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნეთანიაჰუ: ირანი კონტინენტთაშორის ბალისტიკურ რაკეტებს ავითარებს, რომლებსაც აშშ-მდე მიღწევა შეუძლიათ

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა