სახელმწიფო პროგრამის - „აწარმოე საქართველოში" ფარგლებში კიდევ ერთი ახალი საწარმო იქმნება, - განკარგულებას, კომპანია „ვუდმასტერისთვის" სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზების შესახებ, მთავრობა დღევანდელ სხდომაზე განიხილავს.

მთავრობის ადმინისტრაციის პრესსამსახურის ცნობით, კომპანია ორი წლის ვადაში შექმნის ავეჯის, მერქნისა და მისი ნაწარმის, ასევე ყველა სახის საათებისა და მათი ნაწილების საწარმოს, შექმნას, 1 მილიონ 793 ათასი ლარის ინვესტიციას და 50 ადამიანის დასაქმებას გეგმავს.

პრემიერის შეფასებით, სახელმწიფო პროგრამა „აწარმოე საქართველოში" აქტიურად გრძელდება.

„ინტერესი დღესაც მაღალია და ამ პროგრამის შედეგები თანდათან დადგება. დღეს უკვე არაერთი კომპანიაა გახსნილი, რომელმაც პროგრამაში წინა პერიოდში მიიღო მონაწილეობა. მომავალში ყოველდღიურად ვნახავთ ახალ კომპანიებს, რომლებიც იქნებიან როგორც „აწარმოე საქართველოს" მონაწილეები, ასევე სოფლის მეურნეობის მიმართულებით არსებული არაერთი პროგრამის ბენეფიციარები. კომპანიების შექმნის პროცესი გაგრძელდება, რაც სახელმწიფოს მხრიდან, ახალი კომპანიების შექმნის მიმართულებით, განსაკუთრებულ ყურადღებაზე მეტყველებს", - აღნიშნა პრემიერ-მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა