საქართველოს დამოუკიდებლობის აღდგენის 25 წლისთავის აღსანიშნავად, საქართველოს საელჩოს ორგანიზებით, ათენში ოფიციალური მიღება გაიმართა.

საგარეო საქმეთა სამინისტროს ინფორმაციით, ღონისძიება საბერძნეთსა და სერბეთში საქართველოს საგანგებო და სრულუფლებიანი ელჩის იოსებ ნანობაშვილის მისასალმებელი სიტყვით გაიხსნა, შესრულდა საქართველოსა და საბერძნეთის ეროვნული ჰიმნები. ელჩმა დამსწრე საზოგადოებას მიაწოდა ინფორმაცია დამოუკიდებლობის აღდგენის შემდეგ საქართველოს მიერ მიღწეული პროგრესის შესახებ, ისაუბრა საქართველოსა და საბერძნეთის ორმხრივ ურთიერთობებზე, სამომავლო თანამშრომლობის პრიორიტეტებზე.

მიღებას დაესწრნენ  საბერძნეთის რესპუბლიკის აღმასრულებელი და საკანონმდებლო ხელისუფლების წარმომადგენლები, საქართველოსა და საბერძნეთის საპარლამენტო მეგობრობის ჯგუფების წევრი ქართველი და ბერძენი პარლამენტარები, ცნობილი ბერძენი ბიზნესმენები, ათენში აკრედიტებული მისიების ხელმძღვანელები, ბერძნული მას–მედიის, არასამთავრობო სექტორის წარმომადგენლები, ათენში მოღვაწე ქართული დიასპორული ორგანიზაციების ხელმძღვანელები. 

მიღების  ფარგლებში გაიმართა კონცერტი, რომელშიც მონაწილეობა მიიღეს ადგილობრივმა ქართული პოლიფონიური მუსიკის გუნდმა, ასევე ქორეოგრაფიულმა ანსამბლებმა „კავკასია" და „პატარა ემიგრანტები".

სტუმრებმა დააგემოვნეს სხვადასხვა სახის ქართული ღვინო, ქართული წარმოების ალკოჰოლური და უალკოჰოლო სასმელები. მიღებაზე გავრცელდა საინფორმაციო ფურცლები საქართველოს დამოუკიდებლობის აღდგენის 25 წლისთავთან დაკავშირებით, ასევე საქართველოს საინვესტიციო-სამეწარმეო შესაძლებლობების ამსახველი ბროშურები და საქართველოსთან დაკავშირებული სხვა ბეჭდვითი მასალა.

საქართველოს დამოუკიდებლობის აღდგენის 25 წლისთავისადმი მიძღვნილი ღონისძიება ფართოდ გააშუქა ადგილობრივმა პოპულარულმა არხმა „ალფა TV", რომელმაც 27 მაისს საქართველო-საბერძნეთის ორმხრივი ურთიერთობების შესახებ საქართველოს ელჩის ვრცელი ინტერვიუ ჩაწერა.      

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს

თაღლითურად დაეუფლნენ სახელმწიფოს ₾1 025 719-ის მიწის ნაკვეთებს – 13 პირს ბრალი წარედგინა

საქართველოს ბანკთან პარტნიორობით მცხეთაში მულტიფუნქციური ტურისტული და საცხოვრებელი კომპლექსი შენდება

ვენესუელის ოპოზიციის ლიდერი მარია კორინა მაჩადო ვენესუელაში დაბრუნდა