"ეს იყო ძალადობა პარლამენტზე, კონსტიტუციაზე და ძალადობა ყველაფერ დემოკრატიულზე" - ამის შესახებ "თავისუფალი დემოკრატების" წევრმა ნინო გოგუაძემ "კურიერის" ეთერში "საკონსტიტუციო სასამართლოს შესახებ" კანონში შეტანილ ცვლილებებზე საუბრისას განაცხადა.

ნინო გოგუაძე მიღებულ კანონპროექტს „უკანონო კანონს“ უწოდებს.

„ეს იყო ძალადობა პარლამენტზე, ეს იყო ძალადობა კონსტიტუციაზე, ეს იყო ძალადობა ყველაფერ დემოკრატიულზე, რადგან ერთადერთი ინსტიტუტი, რომელიც კონსტიტუციით განსაზღვრულია როგორც დამოუკიდებელი ინსტიტუცია და, რომელიც მოწოდებულია იმისთვის, რომ ხელისუფლების ცდუნება მოახდინოს და მოახდინოს, რაც შეიძლება მეტი ძალაუფლების უზურპაცია და გასცდეს კონსტიტუციას. ეს მოაქციოს კონსტიტუციურ ჩარჩოებში  და შეაკავოს ხელისუფლება,“ - განაცხადა ნინო გოგუაძემ.

გოგუაძის თქმით, უმრავლესობას ეჩქარება და ამის ძირითადი მიზეზი რუსთავი2-ია.

„ეჩქარებათ რუსთავი2-ის გამო. საერთოდ ასეთ უკანონო კანონებს კარგი საქმისთვის არ იყენებენ ხოლმე,“ - განაცხადა ნინო გოგუაძემ.

მისი თქმით, თავისუფლი დემოკრატები აპირებენ, თხოვნით მიმართონ პრეზიდენტს, რომ აღნიშნულ კანონპროექტს ვეტო დაადოს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.