მოსკოვში წელსაც არ დამპატიჟეს, რისთვისაც გული ძალიან მწყდება, - ასე ეხმაურება ფაშიზმზე გამარჯვების დღეს მოძრაობა „სტალინელის“ ხელმძღვანელი გრიშა ონიანი „ექსპრესნიუსთან“ საუბრისას.

ონიანის თქმით, ის ახლა გორში მიემგზავრება. აპირებს, რომ ფაშიზმზე გამარჯვების დღე სტალინის მშობლიურ ქალაქში აღნიშნოს.

როგორც მან განაცხადა, გული სწყდება რომ მოსკოვში არ მიიწვიეს თუმცა ამის მიუხედავად პუტინზე განაწყენებული მაინც არ არის. უფრო მეტიც, მსოფლიოში დიქტატორად ცნობილ პუტინს ვაჟკაცად მოიხსენიებს და ამბობს, რომ ”პუტინი სტალინზე დიდი კაცი ხდება“.

„ამ წუთებში ავტომანქანაში ვზივარ და გორში მივდივარ. ფაშიზმზე გამარჯვების დღეს სტალინის ქალაქში - გორში აღვნიშნავ.

მოსკოვში წელსაც არ დამპატიჟეს, რისთვისაც გული ძალიან მწყდება. იმიტომ არ მეპატიჟებიან, რომ სულ ფეხებზე ვკიდივართ ქართველი ხალხი. ჩვენ თუ არ გვჭირდება დიდი რუსეთი იმათ რაში ვჭირდებით?!

‘დიახ, მე სტალინის ორგანიზაციის თავმჯდომარე ვარ, მაგრამ იქ (მოსკოვში) ნაკლები სტალინელები არიან?! ნეტა სულ მოსკოვში ვცხოვრობდე, მაგრამ არ ვუნდივართ ქართველები. რუსებს მეც ისეთი ქართველი ვგონივარ, ვინც რუსებს თავს აძულებს“, - აცხადებს გრიშა ონიანი, რომელიც აქვე დასძენს, რომ იმის მიუხედავად რომ მოსკოვში არ მიიწვიეს პუტინზე განაწყენებული მაინც არ არის. უფრო მეტიც, ონიანი პუტინის მსოფლიოს უდიდეს მმართველად მოიხსენიებს.

„პუტინზე განაწყენებული არ ვარ. სიამაყით ვივსები მისი ვაჟკაცობითა და შეუპოვრობით. დედამიწა დააჩოქა. სტალინზე დიდი კაცი ხდება.

მართალია არ მეპატიჟება, მაგრამ საჩუქრებს მიგზავნის. საპატიო საჩუქრები 70 წლის იუბილეზეც გამომიგზავნეს და შესაძლოა კიდევ გამომიგზავნოს“, - განუცხადა „ექსპრესნიუსს“ გრიშა ონიანმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს