ხიდაშელი მეჭიაურს: მოვითხოვ პასუხს, სად და როდის გავხიზნე ჩემი შვილები

2016-05-07 19:51:39, 692 ნახვა

პოლიტიკა

თინა ხიდაშელი "ფეისბუკის" საკუთარ გვერდზე თამაზ მეჭიაურის მისამართით განცხადებას ავრცელებს.

ხიდაშელი მიმართავს მეჭიაურს, განმარტოს სად და როდის გახიზნა მან შვილები. განცხადებაში ხიდაშელი ასევე წერს, რომ მეჭიაურის მხრიდან მსგავსი განცხადებები პირველი არ არის.

"ექსპრესნიუსი" თავდაცვის მინისტრის განცხადებას უცვლელად გთავაზობთ:

"ეს ყველაფერი ძალიან მახინჯ ფორმას იღებს უკვე. არავითარი ვალდებულება არ მაქვს ვიჯდე და ვისმინო აბდაუბდა. რამდენიმე წუთის წინ გავიგე ბატონ მეჭიაურს უბრძანებია, მე ამ გადაწყვეტილების მიმღებებისგან განსხვავებით შვილები არ მყავს გახიზნული და ქვეყნის ბედი მაღელვებსო. ქვეყნის ბედზე, რუსულ არჩევანზე, შიშზე, ბაბაია დაუძახეზე სხვა დროს.
ეს ამბავი პირველი რომ იყოს გავატარებდი ალბათ მაგრამ ამ ბატონისგან კატეგორიულად მოვითხოვ პასუხს სად და როდის გავხიზნე ჩემი შვილები, ან როცა მათ საფრთხე ემუქრეოდათ ის თავად სად იყო, რომელი ჩირგვის ძირში?
მე ყველა გავაფრთხილე არავითარ კონტექსტში არასოდეს ჩემი შვილები არ ახსენოთ, პასუხს მოგთხვთ-თქო.
ხოდა პატივცეულო მედია, იქნებ გადასცეთ ჩემი კითხვა და დაჟინებით ითხოვოთ მისამართი!" - ნათქვამია თინა ხიდაშელის განცხადებაში.