|
2016-05-04 11:47:25, 844 ნახვა
ეკონომიკა
ქუმსიშვილის ინფორმაციით, საერთაშორისო მოგზაურთა რაოდენობა აპრილშიც რეკორდულად გაიზარდა
2016 წლის აპრილის მონაცემებით, საქართველოს 462 480 საერთაშორისო მოგზაური ეწვია. ზრდა წინა წლის ანალოგიურ პერიოდთან შედარებით +17.2%-ია. როგორც ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა დღეს გამართულ პრესკონფერენციაზე აღნიშნა, აპრილის მაჩვენებლებით იმ უცხოური ტურისტების რიცხვმა, რომლებმაც 24 საათი და მეტი დაჰყვეს საქართველოში 171 235 შეადგინა. ზრდა +20%-ია. ქუმსიშვილის განცხადებით, 2016 წლის აპრილში ყველაზე მეტი ვიზიტი კვლავ თურქეთიდან (+12%), აზერბაიჯანიდან (+17.6%), სომხეთიდან (+8.7%), რუსეთიდან (+26.7%), და უკრაინიდან (+25.9%) განხორციელდა. საერთაშორისო მოგზაურობის ზრდა დაფიქსირდა 4 თვის მონაცემებითაც. საერთაშორისო მოგზაურობის ჯამურმა რაოდენობამ 159 6916 შეადგინა, ზრდა კი +15.4%-ია. ტურისტული ვიზიტების რაოდენობამ 478100 შეადგინა, რაც 17%-ით მეტია წინა წლის ანალოგიური პერიოდის მონაცემებთან შედარებით. 2015 წლის ჯამური მონაცემებით შემოსავალი უცხოური ტურიზმიდან საქართველოში 1.94 მილიარდ დოლარს შეადგენდა. ტურიზმის წილი მთლიან შიდა პროდუქტში 2015 წლის ჯამური მონაცემებით შეადგენს 6.7%-ს. პოზიტიური ტენდენცია ნარჩუნდება ევროკავშირის ქვეყნების მიმართულებიდან საიდანაც საქართველოში ჩამოსულების რაოდენობის ზრდის კუთხით იანვარ-აპრილშიც გამოირჩნენ: იტალია +26%, ლატვია +25%, საფრანგეთი +14%, შუა აზიის ქვეყნებიდან ყაზახეთი +29%, უზბეკეთი 64%, აღმოსავლეთ ევროპის ქვეყნებიდან ბელორუსია +36% და მოლდოვა +36%. ახლო აღმოსავლეთიდან ისრაელი +106%, ხოლო აზიის ქვეყნებიდან არაბთა გაერთიანებული საემიროები +141%.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)