2016-04-15 22:25:34, 409 ნახვა

---

პრემიერი "რუსთავი 2-ზე": არამგონია, რომ დღეს რუსთავი 2-ის სარედაქციო პოლიტიკა ვინმეს მიერ კონტროლდებოდეს

"არამგონია, რომ დღეს რუსთავი 2-ის სარედაქციო პოლიტიკა ვინმეს მიერ კონტროლდებოდეს" - ასე უპასუხა "რუსთავი 2-ის" შესახებ დასმულ შეკითხვას და იქვე განაცხადა, რომ რუსთავი 2-ის პროცესი სასამართლოში ხარვეზებით წარიმართა.

პრემიერის თქმით, მან თავის დროზე განაცხადა, რომ ამ თემაზე უნდა შექმნილიყო არასამთავრობოების ჯგუფი.

"არაერთხელ მქონდა შეხვედრები, სადაც მე ვთხოვე ევროპელ მაღალი რანგის ჩინოვნიკებს, რომ გამოეგზავნათ ჯგუფი, რომელიც უფრო მეტ გამჭვირვალობას უზრუნველყოფდა ამ სასამართლო პროცესის. მე ვერ დავაკვალიფიცირებდი, რომ ეს იყო მედიასაშუალებებზე შეტევა, მე არ მჯერა, რომ თქვენ გულში გჯეროდეთ, რომ ეს იყო სახელმწიფოს მხრიდან მედიასაშუალებების ხელში ჩაგდების მცდელობა. გარკვეული ხარვეზები სასამართლოს მხრიდან გამჭვირვალობის კუთხით იყო, არ მოხდა თავიდანვე უზრუნველყოფა მიღებული გადაწყვეტილებების, მე გავაკეთე განცხადება, რომ შექმნილიყო საბჭო არასამთავრობოებისგან და მედიასაშუალებებისგან, რომლებიც უზრუნველყოფდნენ რუსთავი 2-ის სარედაქციო დამოუკიდებლობას და არა ობიექტურობას, თქვენი სარედაქციო პოლიტიკა არის ტენდენციური. არამგონი, რომ ჩვენ დღეს ვიმყოფებით იმ სიტუაციაში, რომ რუსთავი 2-ის სარედაქციო პოლიტიკა ვინმეს მიერ კონტროლდებოდეს," - განაცხადა კვირიკაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი