დუბაიში ქართველი ქალის ცხედარი იპოვეს

2016-04-15 16:49:52, 1140 ნახვა

მსოფლიო

დუბაის სასამართლოს შენობასთან, შიშველი ქალის ცხედარი იპოვეს, - ამის შესახემ Gulf News იუწყება.

როგორც მედია საშუალება სამართალდამცველებზე დაყრდნობით იუწყება, შემთხვევა კრიმინალური სახისაა. გარდაცვლილი ქალის ცხედარი ავტობუსის მიმდებარე ტერიტორიაზე იპოვეს.

სამართალდამცველების ინფორმაციით, მკვლელობამდე ქალი გააუპატიურეს. ის ეთნიკურად ქართველია.

დუბაის მთავარი პროკურორის განცხადებით, დანაშაულებრივ ქმედებაში ერთზე მეტი პირია ეჭვმიტანილი.

მომხდარის შესახებ პოლიციას დაღუპულის მეგობარმა გოგომ აცნობა. მედიის ინფორმაციით, მან აცნობა სამართალდამცველებს, რომ მისი მეგობარი ჯერ სასტიკად სცემეს, შემდეგ კი გააუპატიურეს და მოკლეს. დაღუპულის მეგობარი ალკოჰოლური ზემოქმედების ქვეშ იყო.

დუბაის პროკურატურაში აცხადებენ, რომ სასამართლო-სამედიცინო ექსპერტიზის შედეგებს ელოდებიან.

მომხდართან დაკავშირებით გამოძიება უკვე დაწყებულია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან