საქართელოს განათლებისა და მეცნიერების მინისტრის თამარ სანიკიძის განცხადებით, საქართველოს ტექნიკურ უნივერსიტეტში მიმდინარე პროცესი  შეფასებას არ საჭიროებს, რადგან მისივე თქმით,  პროფესორებს და ყველას აქვს უფლება, პროტესტის  იმ ფორმას მიმართოს, რომელიც მას სწორად მიაჩნია. 

როგორც სანიკიძემ მთავრობის სხდომის დასრულების შემდეგ ჟურნალისტებს განუცხადა,  ტექნიკურ უნივერსიტეტში პროტესტი გამომდინარეობს იქიდან, რომ პროტესტის ერთ-ერთი თანამონაწილე  რექტორობის კანდიდატი იყო და მან  არჩევნებში ვერ გაიმარჯვა:

"ამას შემდეგ მოჰყვა ის არგუმენტაცია, რომელიც უკავშირდება მესამე ვადით რექტორის არჩევნების ჩატარებას.  
ამ საკითხით მომჩივანი მხარე იყო შემოსული განათლების სამინისტროში, რის შედეგადაც ჩვენ ჩავატარეთ ადმინისტრაციული საქმის წარმოება და არსებული კანონმდებლობიდან გამომდინარე და როდესაც ეს კანონმდებლობა განიცდიდა ცვლილებას, იმასთან  ერთად, რომ უნივერსიტეტის იურიდიული ფორმაც რამდენჯერმე შეიცვალა და წესდებით იყო გამყარებული გარკვეული პუნქტები, მოკვლევამ არჩვენა, რომ ასეთი არჩევნების ჩატარების უფლება უნივერსიტეტს ჰქონდა. შესაბამისად, კითხვის ნიშნები უნდა მოხსნილიყო, მაგრამ კითხვის ნიშნები მაინც დარჩა. საქმე ეხება უკვე კანონის ინტერპრეტაციას, როგორ შეიძლება კანონის ინტერპრეტაცია, რომელიც პირდაპირ არ მიუთითებს ამა თუ იმ ქმედებაზე.

კანონის ინტერპრეტაციის უფლება სახელმწიფოში აქვს მხოლოდ სასამართლოს. მომჩივანთა ჯგუფმა სასამართლოს უკვე მიმართა, მე ვფიქრობ, რომ სასამართლო იქნება ის ორგანო, რომელიც საბოლოოდ გადაწყვეტს სწორად ჩატარდა თუ არა ტექნიკურ უნვერსიტეტში არჩევნები. 
ყველა შემდგომი ქმედება, განსაკუთრებით ჩვენი მხრიდან იქნება დამოკიდებული სასამართლოს გადაწყვეტილებაზე”, - განაცხადა თამარ სანიკიძემ.

შეგახსენებთ, თბილისის სახელმწიფო უნივერსიტეტის შემდეგ, რექტორის გადადგომის მოთხოვნით აქციები ტექნიკურ უნივერსიტეტში დაიწყო. პროფესორებმა შიმშილობა დაიწყეს.

ისინი არჩილ ფრანგიშვილის გადადგომას ითხოვენ. როგორც პროფესორები აცხადებენ, აკადემიურმა საბჭომ, ფრანგიშვილი მესამე ვადით უკანონოდ აირჩია და მას განათლების მინისტრი მფარველობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი