საქართველოს რეგიონული განვითარებისა და ინფრასტრუქტურის საავტომობილო გზების დეპარტამენტში, აღმოსავლეთ–დასავლეთის ჩქაროსნული ავტომაგისტრალის გაუმჯობესების პროექტის ფარგლებში, ზემო ოსიაური–ჩუმათელეთის 14 კმ–იანი მონაკვეთის (პირველი და მეორე ლოტი) მშენებლობისთვის, წინასაკვალიფიკაციო შერჩევის მიზნით, ტენდერში მონაწილეობის მსურველმა კომპანიებმა წინადადებები წარმოადგინეს.
როგორც "ექსპრესნიუსს" რეგიონული განვითარებისა და ინფრასტრუქტურის სამინისტროდან აცნობეს, დეპარტამენტი წარმოდგენილი წინადადებებიდან,  მოთხოვნილი საკვალიფიკაციო კრიტერიუმების მიხედვით, კვალიფიციური კომპანიების მოკლე სიას შეადგენს.
მათივე ინფორმაციით, წინასაკვალიფიკაციო მოწვევაში მონაწილეობა  მსოფლიოს მასშტაბით  40–მდე კომპანიამ მიიღო, მათ შორის: ჰოლანდიურმა, იტალიურმა, შვეიცარიულმა, თურქულმა, ჩინურმა, აზერბაიჯანულმა და რუსულმა კომპანიებმა.
აღსანიშნავია, რომ ამ მონაკვეთის მშენებლობის დაფინანსება, მსოფლიო ბანკის, რეკონსტრუქციისა და განვითარების საერთაშორისო ბანკისა (IBRD) და ევროპის საინვესტიცო ბანკის (EIB) მხარდაჭერით განხორციელდება. 
ზემო ოსიაური–ჩუმათელეთის 14 კმ-იანი  მონაკვეთი, რომელიც  რიკოთის საუღელტეხილო გვირაბამდე მიდის (ამ გზით ჩრდილოეთიდან გვერდს ავუვლით ხაშურს, სურამს, ჩუმათელეთს და გამოვალთ რიკოთის გვირაბთან), ერთ-ერთი ურთულესია და მოიცავს რამდენიმე გვირაბსა და ხიდს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად