ფეიქრიშვილების დედა ამბობს, რომ მისი შვილის საკანში ვატო ყიფიანი შევიდა - პენიტენციური ფაქტს უარყოფს

2026-10-25 17:32:32, 309 ნახვა

სამართალი

ფეიქრიშვილების დედა ამბობს, რომ მისი შვილის საკანში ვატო ყიფიანი შევიდა - პენიტენციური ფაქტს უარყოფს - ვიდეო

გიორგი და დავით ფეიქრიშვილების დედა, ნინო აბრამიშვილი, შვილის სიცოცხლის საფრთხეზე საუბრობს. მისი ინფორმაციით, გლდანის ციხეში გიორგი ფეიქრიშვილის საკანში ე.წ. კრიმინალური ავტორიტეტი ვატო ყიფიანი შევიდა.

როგორც ქალი განმარტავს, ინფორმაცია იმავე წყაროსგან მიიღო, რომელმაც ოჯახს მანამდე დავით ფეიქრიშვილთან დაკავშირებული შემთხვევის შესახებ აცნობა. მისივე თქმით, შეტყობინების მიღების შემდეგ ოჯახის წევრები გლდანის ციხისკენ გაემართნენ.

„გიორგი ფეიქრიშვილი ვიდეოსამეთვალყურეო საკანში მარტო იმყოფება, 24 - საათიანი ვიდეო მეთვალყურეობის ქვეშ არის. საკანში არის ეს კამერა. მასთან არ შესულა ვატო ყიფიანი. ის საკანში მარტო არის. თუ ოჯახს სურვილი ექნება ადვოკატს შეუძლია შევიდეს ციხეში და მოინახულოს“ - განაცხადეს პენიტენციური სამსახურის პრესსამსახურში ინტერპრესნიუსთან საუბრისას.