2026-10-12 12:51:39, 2369 ნახვა

---

ოანა ცოიუ –საჯაროდ უნდა დავგმო რუსეთის მიერ საქართველოს ტერიტორიაზე ჩატარებული არჩევნები. ძალიან მნიშვნელოვანია, ეს ითქვას ძალიან მკაფიოდ

პირველ რიგში, საჯაროდ უნდა დავგმო რუსეთის მიერ საქართველოს ტერიტორიაზე ჩატარებული არჩევნები. ძალიან მნიშვნელოვანია, ეს ითქვას ძალიან მკაფიოდ. ვნახე, რომ ევროკავშირის არაერთი სხვა წარმომადგენელიც ამ საკითხზე ძალიან მკაფიო პოზიციას აფიქსირებს, – ამის შესახებ რუმინეთის საგარეო საქმეთა მინისტრმა, ოანა ცოიუმ ლუქსემბურგში ევროკავშირის საგარეო საქმეთა მინისტრების შეხვედრის დაწყებამდე განაცხადა.

რუმინეთის საგარეო საქმეთა მინისტრის თქმით, ეს იმის ნიშანია, რომ ევროპული ოჯახი მზად არის, მხარი დაუჭიროს საქართველოს სუვერენიტეტსა და ქვეყნის გადასვლას უფრო ძლიერ, მდგრად დემოკრატიაზე.

„ვიტყოდი, რომ ეს დადებითი ნიშანია“, – აღნიშნა ოანა ცოიუმ.

ამასთან, რაც შეეხება ენერგეტიკასა და ინფრასტრუქტურას, როგორც ოანა ცოიუმ განაცხადა, რუმინეთი რეგიონის ქვეყნებთან, მათ შორის საქართველოსთან, კავშირების გაძლიერების საკითხზე მსჯელობს.

„ჩვენთვის ძალიან მნიშვნელოვანია, რომ ეს პროცესი გავაგრძელოთ. დიალოგს რაც შეეხება, როგორც თქვენ აღნიშნეთ, არ ვეთანხმები თქვენს შეფასებას, თითქოს ევროკავშირი დიალოგს ბოიკოტს უცხადებს. ევროკავშირი ყოველთვის მზად არის, გააგრძელოს დიალოგი იმ ქვეყნებისა და მთავრობების წარმომადგენლებთან, რომლებიც მზად არიან თანამშრომლობისთვის, იცავენ საკუთარ დემოკრატიას და მზად არიან, ოპოზიციას პირდაპირ საარჩევნო უბნებზე შეეჯიბრონ და არა სხვა მექანიზმების გამოყენებით“, – განაცხადა ოანა ცოიუმ.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი