ბაგა-ბაღების აღსაზრდელების მშობლების აქციაზე დაკავებული თამარ იარაჯული სასამართლომ რამდენიმე წუთის წინ გაათავისუფლა.

სასამართლომ თამარ იარაჯული გაფრთხილების საფუძველზე გაათავისუფლა.

მოსამართლე დავით წერეთელმა მიიღო გადაწყვეტილება, რომ ადმინისტრაციული წესით დაკავებული თამარ იარაჯული ადმინისტრაციული სახდელის გარეშე დაეტოვებინა და ის სიტყვიერი გაფრთხილების საფუძველზე გაეთავისუფლებინა. 

სასამართლო პროცესის შემდეგ თამარ იარაჯულმა აღნიშნა, რომ ის მოსამართლის ასეთ გადაწყვეტილებას არ ელოდა. იარაჯული მოუწოდებს მთავარ პროკურორს და შს სამინისტროს, შეისწავლონ საპროტესტო აქციაზე გადაღებული კადრები. მისი თქმით, პოლიცია მასზე ძალადობდა.

"მოსამართლის გადაწყვეტილება სამართლიანი იყო. მადლობა მას ამისთვის. ნამდვილად აღარ მოველოდი ასეთ გადაწყვეტილებას მიმდინარე მოვლენების შემდეგ. მაგრამ ვთხოვ მთავარ პროკურორს, ასევე შს სამინისტროს, აუცილებლად შეისწავლონ ის კადრები, რომლებიც გადაღებულია აქციაზე, სადაც პოლიცია ჩემზე ძალადობდა", - განაცხადა თამარ იარაჯულმა. 

ცნობისთვის, დღეს, საბავშო ბაღების აღსაზრდელების მშობლებმა ბაღების მართვის სააგენტოს შენობასთან  გზის გადაკეტვა სცადეს, თუმცა მათ ამის საშუალება ადგილზე მობილიზებულმა სამართალდამცველებმა არ მისცეს. 

აქტივისტებს შორის მყოფი  არასამთავრობო ორგანიზაცია "მშობლების საინფორმაციო ცენტრის" წარმომადგენელი თამარ იარაჯული პოლიციისთვის დაუმორჩილებლობისთვის დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს