პირადი ცხოვრების ხელყოფისთვის დადგენილი სასჯელის ზომა გამკაცრდება. იურდიულ საკითხთა კომიტემა პირველი მოსმენისთვის განიხილა კანონპროექტი „საქართველოს სისხლის სამართლის კოდექსში ცვლილების შეტანის შესახებ“, რომლის ინიციატორიც ადამიანის უფლებათა დაცვისა და სამოქალაქო ინტეგრაციის კომიტეტია.

წარმოდგენილი ცვლილებით, ნორმიდან, რომელიც პირადი, ან ოჯახური საიდუმლოს, პირადი ცხოვრების ამსახველი ინფორმაციის, ან პერსონალური მონაცემების ხელყოფისათვის სისხლისსამართლებრივ პასუხისმგებლობას აწესრიგებს, ცალკე მუხლად გამოიყოფა პირადი ცხოვრების საიდუმლოს ხელყოფა. აღნიშნული ქმედებისთვის განისაზღვრება შესაბამისი მაკვალიფიცირებელი გარემოებები და სასჯელი, კერძოდ:

პირადი ცხოვრების საიდუმლოს უკანონოდ მოპოვება, შენახვა, გამოყენება, გავრცელება, ან ხელმისაწვდომობის სხვაგვარი უზრუნველყოფა დაისჯება თავისუფლების აღკვეთით ვადით ოთხიდან შვიდ წლამდე;

პირადი ცხოვრების ხელყოფის ქმედება ჩადენილი იმ პირის მიერ, რომელსაც სამსახურებრივი მდგომარეობის, პროფესიული საქმიანობის ან სხვა გარემოების გამო ევალებოდა ამ საიდუმლოს დაცვა ან რომელმაც აღნიშნული ქმედება ჩაიდინა სამსახურებრივი მდგომარეობის გამოყენებით დაისჯება თავისუფლების აღკვეთით შვიდიდან ათ წლამდე.

როგორც საკითხის თაობაზე მომხსენებელმა, პარლამენტის წევრმა, გედევან ფოფხაძემ განაცხადა, წარმოდგენილი ცვლილება იმის მაჩვენებელია, რომ პირადი საიდუმლოება გამოცხადდება განსაკუთრებულ სიკეთედ, „რომელსაც განსაკუთრებული დაცვა სჭირდება და ეს არის არა მარტო ინდივიდუალური სიკეთე იმ ადამიანის, ვის მიმართაც ხორციელდება მსგავსი დანაშაულის ჩადენა, არამედ არის საზოგადოებრივი სიკეთე“.

კანონპროექტის მიმართ მხარდაჭერა გამოხატეს, როგორც საპარლამენტო უმრავლესობის, ასევე საპარლამენტო უმცირესობის წევრებმა, თუმცა საპარლამენტო უმცირესობის წევრთა განცხადებით, აღნიშნული საკითხთან დაკავშირებით უნდა ყოფილიყო მეტი შემოთავაზება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times