2016-04-05 19:15:34, 599 ნახვა
საზოგადოება
კრწანისის ისტორიულ ნაწილში ტურისტული ინფრასტრუქტურის მოწესრიგება სრულდება
კრწანისის ისტორიულ ნაწილში ტურისტული ინფრასტრუქტურის მოწესრიგება სრულდება. როგორც „ექსპრესნიუსს“ კრწანისის გამგეობიდან აცნობეს, მიმდინარეობს ქვაფენილის შეკეთება შარდენისა და ბარათაშვილის ქუჩებზე.
მათივე ინფორმაციით, გამწვანების ღონისძიებების ფარგლებში, ნარიყალას ციხე-სიმაგრის და ქართლის დედის მიმდებარე ტერიტორიაზე განახლდა ტუიების ცოცხალი ღობე, ქოთნებში კი ბროწეულის ხეები დაირგო. გადასახედ მოედანზე მოეწყო ასფალტის საფარი. ტურისტული მარშრუტების კეთილმოწყობითი ღონისძიებები ერთი კვირაში დასრულდება. სამუშაოს მიმდინარეობას ადგილზე გაეცნო კრწანისის გამგებელი, გიორგი კოპალეიშვილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
