ფინანსთა მინისტრი ნოდარ ხადური გერმანიის საერთაშორისო თანამშრომლობის საზოგადოების (GIZ) სამხრეთ კავკასიის ბიუროს ახალ ხელმძღვანელს, მერი შეფერს შეხვდა.

როგორც „ექსპრესნიუსს“ ფინანსთა სამინისტროდან აცნობეს, შეხვედრა გაცნობითი ხასიათის იყო და მხარეებმა ორმხრივი თანამშრომლობის საკითხები განიხილეს.

მათივე ინფორმაციით, შეხვედრის დასაწყისში, ფინანსთა მინისტრმა მწუხარება გამოთქვა გერმანიის საგარეო საქმეთა ყოფილი მინისტრის, ჰანს-დიტრიხ გენშერის გარდაცვალების გამო და თანაგრძნობა გამოხატა გერმანიის მთავრობისა და გერმანელი ხალხის მიმართ. როგორც ნოდარ ხადურმა აღნიშნა, ჰანს-დიტრიხ გენშერს უდიდესი წვლილი მიუძღვის ქართულ-გერმანული ურთიერთობების განვითარების საქმეში.

შეხვედრაზე მხარეებმა ისაუბრეს იმ პროექტებზე, რომელსაც გერმანიის მთავრობის დავალებით გერმანიის საერთაშორისო თანამშრომლობის საზოგადოება (GIZ) საქართველოში ახორციელებს ტექნიკური დახმარების სახით.

კერძოდ, გერმანიის საერთაშორისო თანამშრომლობის საზოგადოება ფინანსთა სამინისტროს მხარდაჭერას უწევს საჯარო ფინანსების მართვის მიმართულებით, რომელიც მოიცავს ისეთ საკითხებს როგორიცაა სახელმწიფო შიდა კონტროლი, საბაჟო და საგადასახადო კანონმდებლობა და ბიუჯეტირების საკითხები.

მხარეებმა იმედი გამოთქვეს, რომ არსებული წარმატებული თანამშრომლობა მომავალშიც აქტიურად გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი