თინა ხიდაშელი: რეგიონში სტაბილურობის შენარჩუნება საქართველოსთვის სასიცოცხლოდ მნიშვნელოვანია

2016-04-05 14:05:15, 460 ნახვა

პოლიტიკა

თავდაცვის მინისტრის თინა ხიდაშელის განცხადებით, რეგიონში სტაბილურობის შენარჩუნება საქართველოსთვის სასიცოცხლოდ მნიშვნელოვანია.

როგორც ხიდაშელმა ჟურნალისტებს განუცხადა, ეს არის ერთადერთი ამოცანა, რომელსაც დღეს ქართული სახელწმიფო ემსახურება.

"საქართველოს მთავარი ამოცანა არის ის, რომ რეგიონის სტაბილურობისთვის გავაკეთოთ ყველაფერი და, რა თქმა უნდა, ჩვენი ქვეყნის სტაბილურობისთვის. ამიტომ, მივმართეთ ჩვენს საერთაშორისო თანამეგობრობას, რომ ყველა ზომას მიმართოს და ყველა ღონე იხმაროს იმისათვის, რომ უპირველესი ამოცანა- ცეცხლის შეწყვეტის ამოცანა იყოს გადაწყვეტილი. ეს არის მთავარი ამოცანა დღეს მოლაპარაკებების მაგიდასთან და ძალიან დიდი იმედი მაქვს, რომ ის მოლაპარაკებების პროცესი, რომელიც ევროპის სხვა და სხვა დედაქალაქებში მიმდინარეობს, წარმატებოთ დასრუდლება",-განაცხადა თინა ხიდაშელმა მთიან ყარაბაღში განვითარებული მოვლენების შეფასებისას.

მისივე თქმით, გავრცელებული ინფორმაცია, რომ აშშ-ის სახელწმიფ მდივანსა და რუსეთის საგარეო საქმეთა მინისტრს შორის სატელეფონო საუბარი შედგა, იმედის მოცემია.

"ჩვენ ყველამ ძალიან კარგად ვიცით, რომ ასეთ ფორმატებში, ასეთე დალოგებში შეიძლება იყოს ნაპოვნი ის ოქროს გამოსავალი, რომელიც უზრუნველყოფს სტაბილურობას",-განაცხადა თინა ხიდეაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან