საქართველოს პრეზიდენტი, გიორგი მარგველაშვილი მმართველ კოალიციაში მიმდინარე მოვლენებს და მასში შემავალი პარტიების გადაწყვეტილებას 2016 წლის საპარლამენტო არჩევნებზე დამოუკიდებელ მონაწილეობასთან დაკავშირებით ეხმაურება.  

მარგველაშვილი აცხადებს, რომ 2012 წელს კოალიცია შეიკრიბა კონკრეტული მიზნის გამო. პრეზიდენტის თქმით, სერიოზული დამოუკიდებელი მოთამაშეების გამოჩენა წინასაარჩევნოდ, ამომრჩეველს მრავალფეროვანი არჩევანის წინაშე დააყენებს.

"კოალიცია შეიქმნა იმისთვის, რომ ოპოზიციას მშვიდობიანი გზით შეეცვალა წინა ხელისუფლება. კოალიციამ ამ მიზანს ძალიან კარგად გაართვა თავი. ამ არჩევნებზე საუბრისას მე არაერთხელ მითქვამს , რომ პოლიტიკური სისტემა, რომელშიც არის შავი და თეთრი და ორი დაპირისპირებული ძალა, უკვე მოძველდა ქართული პოლიტიკური კულტურისთვის და ჩვენ ამომრჩეველს უნდა შევთავაზოთ მრავალფეროვანი  პოლიტიკური  არჩევანი. მე ვფიქრობ რომ იმ ფონზე, როდესაც ჩვენ მივიღებთ არაერთ სერიოზულ მოთამაშეს ამ არჩევნებზე, ამომრჩეველსაც ექნება შესაძლებლობა, რომ უფრო უკეთ აირჩიოს თავისი მომავალი წარმომადგენლები პარლამენტში," -განაცხადა გიორგი მარგველაშვილმა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით