საქართველოს მთავარ პროკურატურაში იმ ჟურნალისტების გამოკითხვა დასრულდა, ვინც დღეს პირადი ცხოვრების ამსახველი ვიდეომასალები სოციალური ქსელის მეშვეობით მიიღეს.

საგამოძიებო უწყებაში ჟურნალისტების რაულ ქირიას, მაკა რაზმაძის, ირაკლი ყურაშვილს და მსახიობ ბესო ზანგურის გამოკითხვა დაახლოებით სამი საათის განმავლობაში მიმდინარეობდა. როგორც გამოკითხვის შემდეგ მათ განაცხადეს, გამომძიებლებს მიაწოდეს დეტალური ინფომრაცია, პირადი ცხოვრების ამსახველი ვიდეომასალის მიღებასთან დაკავშირებით. როგორც მაკა რაზმაძემ განაცხადა, მან გამომძიებლებს ვიდეომასალის ე.წ. სქრინშოთები გადასცა, სადაც ფიქსირდებოდა ის მომხმარებელი, რომლისგანაც ვიდეომასალა მიიღო. რაზმაძეს თქმით, მას პირადი ცხოვრების ამსახველი ვიდეომასალა გაუგზავნეს, როგორც Facebook-ის პირად მიმოწერაში, ასევე ვიდეომასალა სოციალური ქსელის კედელზეც დაიდო.

ჟურნალისტების განცხადებით, გამომძიებლებმა მათი Facebook გვერდები შეისწავლეს და დაათვალიერეს, თუმცა მათივე თქმით, ამ დროისთვის მომხმარებელი, რომელმაც ვიდეომასალა გაავრცელა აღარ იძებნება. შეგახსენებთ, რომ ქართველი პოლიტიკოსის პირადი ცხოვრების ამსახველი ახალი კადრების შესახებ ინფორმაცია სოციალურ ქსელში დღეს დილიდან გავრცელდა. რამდენიმე ჟურნალისტს ყალბი პროფილით Facebook-ში ვიდეოს ინტერნეტბმულები მიაწოდეს. ვიდეოზე წვდომა ინტერნეტში უკვე შეზღუდულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო