სპეციალური პენიტენციური სამსახურის განცხადებით, ექსპრეზიდენტმა მიხეილ სააკაშვილმა "გუშინ თავი შეუძლოდ იგრძნო და ადგილზევე გაეწია პირველადი სამედიცინო დახმარება". ინფორმაციას საზოგადოებრივი მაუწყებელი ავრცელებს.

ამასთან, სამთავრობო TV იმედს პენიტენციურში უთხრეს, რომ სააკაშვილს დაბალი წნევა ჰქონდა და "შესაბამისი სამედიცინო მანიპულაციების შემდეგ" დაურეგულირდა.

"მსჯავრდებულის განცხადებით, დაცემის შედეგად სტკიოდა ფეხი, თუმცა არც ვიზუალური დათვალიერებით და არც რენტგენოლოგიური კვლევით არანაირი დაზიანება არ ფიქსირდება" - ციტირებს TV იმედი პენიტენციურ სამსახურს.

ტელეწამყვან ნანუკა ჟორჟოლიანის მტკიცებით, მიხეილ სააკაშვილმა 29 მარტს "გონება დაკარგა საკანში, დაცემისას მიიღო თავის და კიდურების დაზიანება, დასჭირდა რეანიმაციული დახმარება".

"თბილისიდან სასწრაფოდ გამოიძახეს პენიტენციურის ექიმები. 2021 წლიდან რამდენიმე ქრონიკული დაავადება სავარაუდოდ იყო ამ ამბის მიზეზი" - წერს ჟორჟოლიანი.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ