პირადობის დამადასტურებელი დოკუმენტების: საქართველოს მოქალაქის  ბიომეტრიული პასპორტის, პირადობის ელექტრონული მოწმობის დაზღვევის სერვისი სულ უფრო პოპულარული ხდება. 

იუსტიციის სახლებსა და სახელმწიფო სერვისების განვითარების სააგენტოში დოკუმენტის მიღების მსურველები ძირითადად საქართველოს მოქალაქის პასპორტებს აზღვევენ.

სტატისტიკის თანახმად, პირადობის დამადასტურებელი დოკუმენტების დაზღვევის სერვისით სარგებლობის სურვილი 15 000-მდე ადამიანმა გამოთქვა. პირადობის მოწმობებს თვეში საშუალოდ 8-10% აზღვევს, ხოლო პასპორტებს - 12-14 %.

იუსტიციის სახლი, სახელმწიფო სერვისების განვითარების სააგენტო პირველი სახელმწიფო ორგანიზაციებია საქართველოში, რომლებმაც მოქალაქეებს ოფიციალური დოკუმენტების დაზღვევის საშუალება მისცა.

აღნიშნული სერვისით სარგებლობის საშუალება მოქალაქეებს გასული წლის დეკემბრიდან მიეცათ. საქართველოს მოქალაქის  ბიომეტრიული პასპორტის, პირადობის ელექტრონული მოწმობის,  მუდმივი და დროებითი ბინადრობის ელექტრონული მოწმობების, მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის დაკარგვის, დაზიანების, ქურდობის, ძარცვის ან ყაჩაღობის შემთხვევაში, ჯიპიაი ჰოლდინგი ფარავს საბუთის აღდგენის ღირებულებას და მოქალაქე ახალ საბუთს სრულიად უფასოდ იღებს.

პირადობის ელექტრონული მოწმობის მე-10 სამუშაო დღეს მიღებისთვის დაზღვევის ღირებულება მხოლოდ 3 ლარს შეადგენს, დაზღვევის გარეშე საბუთის საფასური  33 ლარია.  თუ მოქალაქეს პირადობის მოწმობის აღდგენა იმავე დღეს სურს, ასეთ დროს დაზღვევის ფასი 7 ლარია, ხოლო დაზღვევის გარეშე მოწმობის იმავე დღეს მიღების საფასური 68 ლარს შეადგენს.

რაც შეეხება პასპორტს, ამ შემთხვევაში დაზღვევის ფასი 5 ლარია,  ხოლო  დაზღვევის გარეშე  საქართველოს მოქალაქის  ბიომეტრიული პასპორტი მე-10 სამუშაო დღეს  103 ლარის გადახდის სანაცლოდ გაიცემა. თუ მოქალაქეს პასპორტის აღდგენა იმავე დღეს სურს, ასეთ დროს დაზღვევის ფასი 10 ლარია, ხოლო დაზღვევის გარეშე პასპორტის იმავე დღეს მიღების საფასური 208 ლარს შეადგენს.

პირადობის დამადასტურებელი დოკუმენტების დაზღვევის შეძენა, მთელი საქართველოს მასშტაბით, შესაძლებელია იუსტიციის სახლის ფილიალებში, სახელმწიფო სერვისების  განვითარების სააგენტოს ტერიტორიულ სამსახურებში, საზოგადოებრივ ცენტრებში და ექსპრეს საზოგადოებრივ ცენტრებში.

დოკუმენტის დაზღვევა შესაძლებელია საბუთის დამზადებაზე განაცხადის მიღების პროცესში. ასევე შესაძლებელია უკვე გაცემული პასპორტისა და პირადობის მოწმობის დაზღვევაც თუ ის გაცემულია 2015 წლის 1 იანვრიდან (ხელშეკრულების დადებამდე) და მისი გადაცემიდან გასული არ  არის ერთი წელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო