აჭარაში ქართული ოცნების მთავრობის თავმჯდომარე წყნეთის პოლიციის ყოფილი უფროსის წერილს ეხმაურება, რომელიც დიმიტრი ქვაჭრელიშვილმა შაბათის ფორმულას ციხიდან გამოუგზავნა.

ამჟამად პატიმრობაში მყოფი ყოფილი პოლიციელი ამბობს, რომ ნიკო კვარაცხელიას მკვლელობისათვის გასამართლებული პირების დაკავების და განყოფილებაში მიყვანის შემდეგ, ადგილზე სულხან თამაზაშვილი მივიდა, რომელმაც მალევე, დიდი ალბათობით, ოთარ რომანოვ ფარცხალაძეს დაურეკა.

აჭარაში ქართული ოცნების მთავრობის თავმჯდომარე დიმითრი ქვაჭრელიშვილს ცრუ მოწმეს უწოდებს და ამბობს, რომ საერთოდ არ იცნობს ყოფილ გენერალურ პროკურორს, რომელზეც ამჟამად ძებნაა გამოცხადებული.

"ჩვენებაში არის საუბარი, რომ მე ვესაუბრე ოთარ ფარცხალაძეს. სრული პასუხისმგებლობით მინდა, დავაფიქსირო, რომ მე ამ ადამიანს არ ვიცნობ, მეტიც - არასდროს არ შევხვედრივარ, შესაბამისად, არასდროს მქონია მასთან კომუნიკაცია - არც სატელეფონო და არც პირადი.

ამ ჩვენების და ცრუ მოწმის მიმართ მაქვს ამბივალენტური დამოკიდებულება. მე მახსოვს, ეს ადამიანი იყო წყნეთის პოლიციის უფროსი. ის სამწუხაროდ, დააკავეს ქრთამის აღებისა და უფლება-მოსილების გადამეტების ფაქტზე.

ერთი მხრივ, მის მიმართ მხოლოდ სიბრალულის ემოცია მაქვს, ხოლო მეორე მხრივ, ეს ცრუ ჩვენება გარდაცვლილის დედის მდგომარეობას ალბათ უფრო დაამძიმებდა, რასაც რეალურად განვიცდი", - განაცხადა სულხან თამაზაშვილმა.

მან ასევე ისაუბრა ნიკო კვარაცხელიას მკვლელობის საქმეზე გამოძიების პროცესზე და თქვა, რომ დანაშაული მყისიერად გაიხსნა და თქვა, რომ საქმის ჩაფარცხვაზე საუბარი - "არასერიოზულია".

"ეს იყო ძალიან შემზარავი, მძიმე ფაქტი, თუმცა, დანაშაული მყისიერად გაიხსნა. დანაშაულის ჩამდენი პირები დანაშაულის ჩადენის დღესვე იყვნენ იდენტიფიცირებულები, მოგვიანებით ისინი დაუსწრებლად მიეცნენ პასუხისგებაში და დაახლოებით 1 თვის შემდეგ ისინი უკვე ძებნილის სტატუსით იყვნენ დაკავებულები. ადვოკატმა მათ დუმილის უფლება გამოაყენებინა, შესაბამისად, გამოძიებასთან არ ითანამშრომლეს.

თუმცა, გამოძიება აქტიურად მუშაობდა დანაშაულის ორგანიზატორების გამოვლენის და მხილების მიზნით და შესაბამისი მტკიცებულებები იმ ეტაპზეც იყო.

ის პირები, ვისაც ამ დანაშაულის ჩადენის ორგანიზებისთვის წარედგინათ ბრალი, ჩემს მიერ ქალაქის პოლიციის ხელმძღვანელობის პერიოდში სხვა დანაშაულის ჩადენისთვის იყვნენ დაკავებულები - მკვლელობიდან დაახლოებით 7-8 თვის შემდეგ.

აქედან გამომდინარე, დანაშაულის ჩაფარცხვაზე და მათთვის დახმარებაზე საუბარი მგონი, არასერიოზულია და მიმაჩნია, რომ ეს საკითხი ამოწურულია", - თქვა სულხან თამაზაშვილმა. 

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times