|
2026-02-09 15:26:09, 317 ნახვა
პოლიტიკა
ФСБ: გენერალ ვლადიმერ ალექსეევზე თავდამსხმელი კიევიდან რუსეთში თბილისის გავლით ჩავიდა
რუსეთის უსაფრთხოების ფედერალური სამსახურის (ФСБ) მტკიცებით, რუსეთის შეიარაღებული ძალების გენერალური შტაბის (ГРУ) უფროსის პირველი მოადგილის ვლადიმერ ალექსეევის მკვლელობის მცდელობის საქმეზე დაკავებული პირი ლიუბომირ კორბა რუსეთში კიშინიოვისა და თბილისის გავლით ჩავიდა. ФСБ ასევე ირწმუნება, რომ ლიუბომირ კორბა უკრაინის სპეცსამსახურების აგენტი იყო. რუსეთის უშიშროების ფედერალური სამსახური ასევე აცხადებს, რომ ვლადიმერ ალექსეევის მკვლელობის მცდელობაში პოლონეთიც მონაწილეობდა. კერძოდ, ამტკიცებს, რომ მკვლელობის დაგეგმვაში, რომელიც უკრაინის უსაფრთხოების სამსახურის მიერ იყო შეკვეთილი, უშუალოდ მსროლელის დაქირავებაში პოლონეთის დაზვერვაც მონაწილეობდა. "კორბა პოლონეთის სადაზვერვო სამსახურების დახმარებით მონაწილეობდა რეკრუტირებაში. მკვლელმა კიევში გაიარა წვრთნა, შემდეგ კიშინეუსა და თბილისის გავლით რუსეთში გაემგზავრა და სამხედრო პერსონალის, მათ შორის ალექსეევის მიმართ, ყოველთვიურად 2000 დოლარად, ჯაშუშობა დაიწყო. უსაფრთხოების სამსახური ასევე დაჰპირდა მას 30 000 დოლარის გადახდას წარმატებული მკვლელობის შემთხვევაში", - ამტკიცებს ФСБ. რუსეთის უშიშროების ფედერალური სამსახურის განცხადება კიევმა უკვე უარყო, ვარშავას კი ჯერ ოფიციალური პასუხი არ გაუცია. ცნობისთვის, ვლადიმირ ალექსეევი 6 თებერვლის თავდასხმას გადაურჩა და ის საავადმყოფოში მძიმე მდომარეობაში გადაიყვანეს. მკვლელობის მცდელობაში ეჭვმიტანილი დუბაიში 8 თებერვალს დააკავეს. მოსკოვორეცკის სასამართლომ ლიუბომირ კორბას წინასწარი პატიმრობა შეუფარდა. მას ბრალი წაუყენეს სამართალდამცავი ორგანოს თანამშრომლის მკვლელობის მცდელობაში.
Global Finance-მა საქართველოს ბანკი საუკეთესო ბანკად დაასახელა საქართველოში
დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა
საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს
შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები
|
რედაქტორის რჩევით
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
რეჟიმის წარმომადგენლები ხოშტარიას შვილებს ესხმიან თავს
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)