"ქართული ოცნების"  მთავრობის ადმინისტრაციის ცნობით, ივანიშვილის პრემიერ-მინისტრი ირაკლი კობახიძე შეხვდა არაბთა გაერთიანებული საემიროების პრეზიდენტს, შეიხ მოჰამედ ბინ ზაიდ ალ ნაჰიანს. მონაწილეებმა განიხილეს „საქართველოსა და არაბთა გაერთიანებულ საემიროებს შორის ორმხრივი ურთიერთობების დადებითი დინამიკა“.

„მხარეებმა განიხილეს სავაჭრო, ეკონომიკურ და საინვესტიციო სფეროებში თანამშრომლობის გაფართოების არსებული შესაძლებლობები. ხაზი გაესვა Eagle Hills-ის ისტორიული 6.6 მილიარდი დოლარის ინვესტიციის მნიშვნელობას საქართველოში, ასევე არაბთა გაერთიანებული საემიროების ინვესტიციებით განხორციელებული თბილისის მშრალი პორტის პროექტის როლს და სხვა მსხვილი საინვესტიციო კომპანიების წარმატებულ საქმიანობას საქართველოში“, - იტყობინება ადმინისტრაცია.
ადრე კობახიძე შეხვდა Eagle Hills-ის დეველოპერული კომპანიის დამფუძნებელს, მოჰამედ ალაბარს. შეხვედრის დროს აღინიშნა:

„პროექტი შექმნის 24 000-ზე მეტ სამუშაო ადგილს მშენებლობის ფაზაში, ხოლო დასრულების შემდეგ 8 000-ზე მეტ სამუშაო ადგილს“. კომპანიის პოლიტიკის შესაბამისად, პროექტს უშუალოდ ქართული სამშენებლო კომპანიები განახორციელებენ, რაც ხელს შეუწყობს ქვეყნის ბიზნეს სექტორის განვითარებას. პროექტის პირდაპირი გავლენა საქართველოს ეკონომიკაზე 11 მილიარდ ლარს შეადგენს“.
ირაკლი კობახიძე აბუ დაბიში მდგრადი განვითარების კვირეულში მონაწილეობის მისაღებად იმყოფება. საქართველოს დელეგაციაში შედიან საგარეო საქმეთა მინისტრი მაკა ბოჭორიშვილი, ეკონომიკისა და მდგრადი განვითარების მინისტრი მარიამ ქვრივიშვილი, გარემოს დაცვისა და სოფლის მეურნეობის მინისტრი დავით სონღულაშვილი, იუსტიციის მინისტრი პაატა სალია და მთავრობის ადმინისტრაციის უფროსი ლევან ჟორჟოლიანი.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე