4 ოქტომბრის საქმეზე დაკავებულმა აქტივისტმა ნანა სანდერმა დღევანდელ სასამართლო პროცესზე ციხეში არასათანადო მოპყრობაზე და ასევე, ჯანმრთელობის პრობლემებზე ისაუბრა.

მან მშრალი შიმშილობის დაწყებაც დააანონსა, იმ შემთხვევაში, თუ არ გაათავისუფლებენ. 

"შარშან 24 ნოემბერს ჩამოვედი გერმანიიდან ქართველი ხალხის ხმის დასაცავად. ამომრჩევლებს, ემიგრანტებს არ მიეცათ ხმის უფლება, არჩევნები გაყალბდა, რის შედეგადაც პარლამენტი და ხელისუფლება არის არალეგიტიმური. ჩამოვედი საქართველოში ხმის დასაცავად, 28-ში ვიცავდი საქართველოს ევროპულ მომავალს, ვიდექი ნოემბერ-დეკემბრის სისხლიან აქციებზე. პოლიციელებმა, ფორმიანებმა ჯგუფურად იძალადეს, წელში ჩამარტყეს.

ჩემზეც გამოიყენეს ქიმიური იარაღი, რასაც ტელევიზორიდან ვისმენ, ზუსტად ეგ სიმპტომები მაქვს. მაქვს გულის პრობლემები, სახსრების პრობლემები, დ ვიტამინის ნაკლებობა მაქვს უკვე 4 თვეა და დ ვიტამინიც არ მიმიღია, რა მკურნალობაზეა საუბარი.

უამრავი დაავადება მაქვს, ჯანმრთელობის მძიმე პრობლემები... თუ არ გამათავისუფლებთ პატიმრობიდან, დღესვე ვიწყებ შიმშილობას, მშრალ შიმშილობას", - თქვა მან პროცესზე. 

ნანა სანდერს ბრალი ორი მუხლით აქვს წარდგენილი. თავდაპირველად მას მხოლოდ ჯგუფური ძალადობის ორგანიზებას ედავებოდნენ - სისხლის სამართლის კოდექსის 225-ე მუხლის პირველი ნაწილით, რაც 6-დან 9 წლამდე პატიმრობას ითვალისწინებს. 13 ნოემბერს კი მას ბრალი დაუმატეს და ასევე ედავებიან ხელისუფლების დამხობისკენ საქვეყნოდ მოწოდებას - სისხლის სამართლის კოდექსის 317-ე მუხლით, რაც 3-წლამდე პატიმრობას ითვალისწინებს.

ავტორი: ექსპრესნიუსი,

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს