პუტინმა პირადად აირჩია უიტკოფი შეერთებული შტატებიდან მთავარ მომლაპარაკებლად. - ამის შესახებ ინფორმაციას The Wall Street Journal ავრცელებს. გამოცემის თანახმად, პუტინმა საუდის არაბეთის მემკვიდრე პრინცთან კავშირების გამო, აშშ-ის ახალი ადმინისტრაციისთვის სასურველ მომლაპარაკებლად თავად აირჩია აშშ-ის სპეციალური წარმომადგენელი, მილიარდერი უძრავი ქონების დეველოპერი და დონალდ ტრამპის დიდი ხნის გოლფის პარტნიორი, სტივ ვიტკოფი.

 სტატიაში ნათქვამია, რომ აშშ-ის წარმომადგენელი უკვე ექვსჯერ იმყოფებოდა რუსეთში, მაგრამ უკრაინაში არასდროს ყოფილა. WSJ-ის წყაროების ცნობით, პუტინი უიტკოფთან შეხვედრით იყო დაინტერესებული. პუტინის სპეციალურმა წარმომადგენელმა, კირილ დმიტრიევმა უიტკოფი რუსეთში მიიწვია, შუამავლად კი საუდის არაბეთის პრინცი, მოჰამედ ბინ სალმანი გამოიყენა. გამოცემის ცნობით, საუდის არაბეთის პრინცი დმიტრიევის ძველი მეგობარია. WSJ-მ ასევე გაავრცელა ინფორმაცია, რომ მოლაპარაკებების საკითხებში ჩართული პირების ცნობით, უიტკოფის საუდის არაბეთში ყოფნის დროს პრინცმა მოჰამედმა რუსებს მისი კანდიდატურა თავად შესთავაზა.

 თეთრი სახლის პრესმდივანმა ანა კელიმ WSJ-სთან ინტერვიუში განაცხადა, რომ ვიტკოფის დანიშვნის გადაწყვეტილება მხოლოდ ტრამპმა მიიღო და „მინიშნება იმის შესახებ, რომ უცხო ქვეყნებს რაიმე გავლენა ჰქონდათ ამ გადაწყვეტილებაზე, აბსურდულია“.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ