აშშ-ს უამრავი „ტომაჰავკის“ ტიპის ფრთოსანი რაკეტა აქვს, მაგრამ ქვეყანას ისინი საკუთარი თავდაცვისთვის სჭირდება, განაცხადა აშშ-ის პრეზიდენტმა დონალდ ტრამპმა.

„ვგულისხმობ, რომ ჩვენ არ შეგვიძლია ჩვენი ქვეყნის მარაგების ამოწურვა. ისინი [რაკეტები - TMT] ძალიან მნიშვნელოვანია, ისინი ძალიან მძლავრია, ისინი ძალიან ზუსტია, ისინი ძალიან კარგია, მაგრამ ჩვენც გვჭირდება ისინი, ამიტომ არ ვიცი, რა შეგვიძლია გავაკეთოთ ამის შესახებ“, - განუცხადა ტრამპმა ჟურნალისტებს რუსეთის პრეზიდენტ ვლადიმერ პუტინთან სატელეფონო საუბრის შემდეგ მალევე.

როდესაც ჰკითხეს, სცადა თუ არა პუტინმა მისი დარწმუნება, რომ არ მიეცა „ტომაჰავკები“ კიევისთვის, ტრამპმა უპასუხა: „რა თქმა უნდა (მან სცადა - TMT), მაგრამ რას ფიქრობთ? რას ფიქრობთ, რას იტყვის ის? „გთხოვთ, მიჰყიდეთ ეს რაკეტები (უკრაინას - TMT) და მე ძალიან მადლიერი ვიქნები?“ თეთრი სახლის ხელმძღვანელის თქმით, პუტინს „არ მოეწონა“ უკრაინისთვის ფრთოსანი რაკეტების მიწოდების იდეა, რადგან „არავის სურს, რომ მათკენ „ტომაჰავკები“ გაისროლონ“. რუსეთის პრეზიდენტის თანაშემწის, იური უშაკოვის მიერ წარმოდგენილი ვერსიის თანახმად, პუტინმა სატელეფონო საუბრის დროს ტრამპი გააფრთხილა ორმხრივი ურთიერთობებისთვის სერიოზული შედეგების შესახებ, თუ უკრაინის არმიას შორი დისტანციის იარაღი გადაეცემოდა. კერძოდ, მან კიდევ ერთხელ გაიმეორა თავისი მტკიცება, რომ „ტომაჰავკები“ ბრძოლის ველზე სიტუაციას არ შეცვლის, მაგრამ მოსკოვსა და ვაშინგტონს შორის ურთიერთობებს დააზიანებს, ასევე უკრაინაში სამხედრო კონფლიქტის მშვიდობიანი გზით მოგვარების პერსპექტივებს.

ტრამპმა ადრე განაცხადა, რომ მან „თითქმის“ მიიღო გადაწყვეტილება „ტომაჰავკების“ უკრაინაში გადატანის შესახებ, მაგრამ აღნიშნა, რომ ამის გაკეთებამდე ის პუტინთან საუბარს და ასევე უკრაინის პრეზიდენტ ვოლოდიმირ ზელენსკისთან იმის განხილვას გეგმავდა, თუ რას იზამდა კიევი შორი დისტანციის რაკეტებით. ეს თემა, სავარაუდოდ, 17 ოქტომბერს ვაშინგტონში ტრამპ-ზელენსკის მოლაპარაკებების მთავარი თემა იქნება. ტრამპმა ასევე განაცხადა, რომ ორი კვირის განმავლობაში პუტინს უნგრეთში შეხვდება.

ტრამპ-პუტინის სატელეფონო საუბრის შემდეგ, ზელენსკიმ განაცხადა, რომ მოსკოვი „ჩქარობს დიალოგის განახლებას „ტომაჰავკების“ შესახებ მოსმენის შემდეგ“. მან ხაზგასმით აღნიშნა, რომ მხოლოდ „ძალის ენას“ შეუძლია რუსეთის წინააღმდეგ იმუშაოს.

ომის შესწავლის ინსტიტუტის (ISW) შეფასებით, „ტომაჰავკის“ მოქმედების რადიუსი - 1600-დან 2500 კილომეტრამდე - კიევს საშუალებას მისცემს, ასეთი რაკეტებით აღჭურვის შემთხვევაში, 1945 რუსული სამხედრო ობიექტი დაუმიზნოს, რამაც შეიძლება სერიოზულად გაართულოს რუსული შეტევითი ოპერაციების მიწოდება და მხარდაჭერა.

ავტორი: ექსპრესნიუსი,

სოციალური ქსელები

19 ოქტომბერს, რუსთაველის გამზირზე მოძრაობა შეიზღუდება

რუსეთში ქალების 60% და მამაკაცების 81% პირველ პაემანზე ინტიმურ ურთიერთობას უშვებს.

ტრამპმა ზელენსკისთან შეხვედრაზე უკრაინისთვის „ტომაჰავკის“ ტიპის რაკეტების მიყიდვაზე უარი თქვა - Axios

პროკურატურამ პირადი ცხოვრების საიდუმლოს ხელყოფის ფაქტზე ორი პირი დააკავა