დიდი ხნის შემდეგ პირველად, ინდოეთმა რუსული ნავთობის მომარაგების საფასურის გადახდა ჩინურ იუანში განაახლა. Reuters-ი ინფორმირებულ წყაროებზე დაყრდნობით იუწყება, რომ წამყვანმა სახელმწიფო ნავთობკომპანია Indian Oil Corp-მა უკვე გადაიხადა იუანში რუსული ნავთობის რამდენიმე ტვირთისთვის.

სააგენტოს ცნობით, რუსეთიდან ნავთობის მომწოდებელი ტრეიდერები აქტიურად აიძულებენ ინდურ სახელმწიფო კომპანიებს, გადავიდნენ ჩინურ იუანში გადახდებზე. ეს იმიტომ ხდება, რომ იუანი ერთ-ერთია იმ მცირერიცხოვან ვალუტებს შორის, რომელთა პირდაპირი კონვერტაცია რუბლებში შესაძლებელია რუს მწარმოებლებთან საბოლოო ანგარიშსწორებისთვის.

წყაროები აღნიშნავენ, რომ იუანის გამოყენება გაზრდის რუსული ნავთობის ხელმისაწვდომობას ინდოეთის სახელმწიფო ნავთობგადამამუშავებელი ქარხნებისთვის, რადგან ზოგიერთი ტრეიდერი უარს ამბობს სხვა ვალუტების მიღებაზე. ამასობაში, ევროკავშირის ფასების ზღვრული ნორმების დასაცავად, ტრეიდერები აგრძელებენ რუსული ნავთობის ფასების დოლარში განსაზღვრას და ითხოვენ იუანში ეკვივალენტურ გადახდას.

იუანზე გადასვლა გლობალური დედოლარიზაციის პროცესის ნაწილია, რომელიც დაჩქარდა დასავლეთის სანქციებით რუსეთის წინააღმდეგ უკრაინაში ომის დაწყების შემდეგ. სანქციებმა ნავთობის ბაზრის მონაწილეები აიძულა აქტიურად გამოეყენებინათ ალტერნატიული ვალუტები, მათ შორის ჩინური იუანი და არაბთა გაერთიანებული საემიროების დირჰამი, იუწყება Reuters.

ეს არ არის ინდოეთის პირველი მცდელობა, გადავიდეს იუანში გადახდებზე - 2023 წელს ინდოეთის სახელმწიფო ნავთობგადამამუშავებელი ქარხნები უკვე ახორციელებდნენ გარკვეულ გადახდებს ჩინურ ვალუტაში, მაგრამ შემდეგ შეწყვიტეს ეს ჩინეთთან ურთიერთობების გაუარესების გამო.

ინდოეთი გახდა ფასდაკლებული რუსული ნავთობის უმსხვილესი მყიდველი მას შემდეგ, რაც დასავლურმა ქვეყნებმა შეწყვიტეს მისი იმპორტი სანქციების გამო. ამჟამად რუსეთი ფარავს ინდოეთის ნავთობის საჭიროებების დაახლოებით 40%-ს, უკრაინაში ომამდე 1%-ზე ნაკლებთან შედარებით. „როიტერის“ გათვლებით, იაფი რუსული ნავთობის იმპორტის გაზრდით, ინდოეთმა დაზოგა მინიმუმ 17 მილიარდი დოლარი.

ავტორი: ექსპრესნიუსი,

სოციალური ქსელები

თეთრ სახლში თქვეს, რომ ტრამპი რუტესთან შეხვედრაზე NATO-ს დატოვების შესაძლებლობასაც განიხილავს

ირანი აშშ-ს ცეცხლის შეწყვეტის შეთანხმების რამდენიმე პუნქტის დარღვევაში ადანაშაულებს

ირანული მედია: თეირანში აფეთქებების ხმა გაისმა

რუსეთის ნავთობიდან შემოსავალმა 2022 წლის შემდეგ მაქსიმუმს მიაღწია