რესპუბლიკელმა სენატორმა ლინდსი გრეჰემმა იწინასწარმეტყველა, რომ რუსეთ-უკრაინის ომი შეიძლება შობამდე დასრულდეს, მაგრამ მხოლოდ იმ შემთხვევაში, თუ აშშ-ის პრეზიდენტ დონალდ ტრამპს, რუსეთის პრეზიდენტ ვლადიმერ პუტინსა და უკრაინის პრეზიდენტ ვოლოდიმირ ზელენსკის შორის სამმხრივი შეხვედრა გაიმართება.

„არ შეცდეთ, ეს ომი პუტინის აგრესიის ომია უკრაინის წინააღმდეგ. თუმცა, მე ყოველთვის ვამბობდი, რომ უკრაინა არ გააძევებს ყველა რუს ჯარს და პუტინი არ დაიკავებს კიევს“, - ციტირებს გრეჰემის სიტყვებს The Hill.

მან ხაზგასმით აღნიშნა, რომ ამ ომის ღირსეული და სამართლიანი დასრულების გასაღები არის „შეკავების ინფრასტრუქტურის“ შექმნა, რომელიც ბაიდენმა და ობამამ ვერ შექმნეს კიდევ ერთი რუსული შეჭრის თავიდან ასაცილებლად.

„თუ პრეზიდენტ ტრამპს, პრეზიდენტ ზელენსკის და პუტინს შორის სამმხრივი შეხვედრა გაიმართება, მაშინ მე ფრთხილად ოპტიმისტურად ვარ განწყობილი, რომ ეს ომი შობამდე დიდი ხნით ადრე დასრულდება“, - იწინასწარმეტყველა გრეჰემმა.

მან ასევე თქვა, რომ თუ პოტენციური სამმხრივი შეხვედრა არ შედგება, ტრამპს „შესაძლოა მოუწიოს ყველა ღონე იხმაროს იმ ადამიანების დასასჯელად, ვინც ყიდულობს იაფ რუსულ ნავთობსა და გაზს პუტინის საომარი მანქანის მხარდასაჭერად“.

მან ასევე იწინასწარმეტყველა, რომ მიწის გაცვლა, სავარაუდოდ, ნებისმიერი შუამავლობით მიღწეული შეთანხმების ნაწილი იქნება.

„მიწების გაცვლა მოხდება. ყველა რუსს ვერ გააძევებთ, მაგრამ ამ შეთანხმებას უკრაინელები დადებენ და არა შეერთებული შტატები. უკრაინა დადებს ამ შეთანხმებას და ტრამპი დაასრულებს ამ ომს. მე არასდროს ვყოფილვარ უფრო ოპტიმისტურად განწყობილი, ვიდრე ახლა ვარ“, - თქვა მან.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times