დღეს ბათუმში სხვადასხვა პოლიტიკური პარტიის წარმომადგენლებმა, სამოქალაქო აქტივისტებმა და არასამთავრობო სექტორის წევრებმა საპროტესტო მსვლელობა გამართეს. მონაწილეები მსვლელობით აჭარის მთავრობის სახლთან მივიდნენ, სადაც უკვე რამდენიმე თვეა, საპროტესტო აქციები ყოველდღიურად იმართება.

მოძრაობის მონაწილეებმა სოლიდარობა გამოუცხადეს თბილისში პროევროპულ აქციებზე დაკავებულ პირებსა და მათ ოჯახის წევრებს. მათ შორის იყვნენ გამოცემა „ბათუმელებისა“ და „ნეტგაზეთის“ ერთ-ერთი დამფუძნებლის, მზია ამაღლობელის ოჯახის წევრებიც. აქციის მონაწილეები ასევე შეიკრიბნენ „ბათუმელებისა“ და „ნეტგაზეთის“ ოფისთან, სადაც ჟურნალისტებს მხარდაჭერა გამოუცხადეს და განაცხადეს, რომ მზია ამაღლობელი „რეჟიმის ტყვეა“.

„აქციებმა კონკრეტული შედეგები უკვე მოიტანა – ხელისუფლებაში კონფლიქტებია, რაც თორნიკე რიჟვაძის მაგალითზეც ჩანს. ივანიშვილის რეჟიმი შიდა დაპირისპირებაშია ჩართული. ჩვენ არ დავიხევთ და ბოლომდე ვიბრძოლებთ საქართველოს ევროპული მომავლისთვის. უკვე თითქმის 250 დღეა, პროტესტს უწყვეტად ვაგრძელებთ. ქართველი ხალხი არ გატყდა – რუსულ რეჟიმს წინააღმდეგობას ვუწევთ და აუცილებლად დავამარცხებთ“, – განაცხადა ერთ-ერთმა მონაწილემ.

ამ დროისთვის აჭარის მთავრობის სახლისა და საკონსტიტუციო სასამართლოს მიმდებარედ სამართალდამცავები არიან მობილიზებული.

აქციის მიმდინარეობისას ისმოდა შეძახილები: „თავისუფლება რეჟიმის ტყვეეებს“, „არა არალეგიტიმურ მთავრობას“.

ავტორი: ექსპრესნიუსი,

სოციალური ქსელები

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა

FT: ევროპა პუტინს შესთავაზებს მთელი დონბასის რუსეთისთვის გადაცემას ომის დასრულებისა და უკრაინის ნატოში გაწევრიანების სანაცვლოდ