პარლამენტის დროებითმა საგამოძიებო კომისიამ, 20 ივნისის აქციის დაშლასთან დაკავშირებით, მთავრობის ადმინისტრაციის ყოფილი უფროსი გიორგი ჭოლაძე დაიბარა. ამის შესახებ კომისიის თავმჯდომარემ, თეა წულუკიანმა განაცხადა.

მისი თქმით, 20 ივნისის აქციის დაშლის დროს, გიორგი ჭოლაძე იმ ოთახში იმყოფებოდა, საიდანაც შინაგან საქმეთა ყოფილი მინისტრი გიორგი გახარია ბრძანებებს გასცემდა.

წულუკიანის განმარტებით, ჭოლაძე კომისიაზე 19 ივნისსაა მიწვეული.

„სხდომას 19-ში დახურავს მთავრობის ადმინისტრაციის ყოფილი უფროსი გიორგი ჭოლაძე, რომელიც 20 ივნისის აქციის დაშლაზე ისაუბრებს, ვინაიდან ის გიორგი გახარიასთან, მაშინდელ შინაგან საქმეთა მინისტრთან ერთად იმყოფებოდა პარლამენტის შენობაში. იმ ოთახში, სადაც ბატონი გიორგი გახარია იმყოფებოდა და საიდანაც ის გასცემდა ბრძანებებს. მასთან ერთად განხილული იქნება 20 ივნისი და სხვა თემები, რაც მნიშვნელოვანია ჩვენი კვლევისთვის, ვინაიდან მთავრობის ადმინისტრაციის ხელმძღვანელი არის ყოველთვის მოვლენების ეპიცენტრში, რომელიც მინისტრების, ან პრემიერის გარშემო ვითარდება,“ - განაცხადა წულუკიანმა.

ცნობისთვის, პარლამენტის დროებითმა საგამოძიებო კომისიამ შინაგან საქმეთა ყოფილი მინისტრი და პრემიერ-მინისტრი გიორგი გახარია მეორედ დაიბარა. წულუკიანის თქმით, გახარია კომისიის 23 ივნისის სხდომაზეა დაბარებული.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის