ეს წერილი ადგილობრივი მოხმარებისთვის არის განკუთვნილი - იმისათვის, რომ საზოგადოება კიდევ ერთ მარცხს შეაგუოს, - ასე ეხმაურება პოლიტიკური გაერთიანება „ძლიერი საქართველოსთვის“ წევრი, საბა ბუაძე პრემიერ-მინისტრ, ირაკლი კობახიძის ღია წერილს, რითაც ის ამერიკის შეერთებული შტატების პრეზიდენტ დონალდ ტრამპსა და ამერიკის შეერთებული შტატების ვიცე-პრეზიდენტ ჯეი დი ვენსს მიმართავს.

მისივე შეფასებით, კობახიძის მიერ გამოქვეყნებული საჯარო წერილი „არცერთ შემთხვევაში საერთაშორისო ურთიერთობების კუთხით გადადგმულ ნაბიჯს არ წარმოადგენს”.

„ეს წერილი არცერთ შემთხვევაში საერთაშორისო ურთიერთობების კუთხით გადადგმულ ნაბიჯს არ წარმოადგენს. საგარეო ურთიერთობების ნაწილში, ჩვენ ვნახეთ, „ქართლი ოცნების” მიღწევები, რაც არის. ეს არის ლევან დავითაშვილის ჩაფლავებული ვიზიტი და კიმბერლი ლოუს მიერ ელარჯის დეგუსტაცია.

ეს წერილი ადგილობრივი მოხმარებისთვის არის განკუთვნილი. იმისათვის, რომ საზოგადოება კიდევ ერთი მარცხისათვის შეაგუოს - „ქართული ოცნება” „MEGOBARI აქტით” განწირულია და ამავდროულად, შეაგუოს კიდევ ერთი ნაბიჯის გადადგმას, რომელსაც ისინი რუსეთის მიმართულებით აპირებენ.

შესაბამისად, ეს სრულად შიდა მოხმარების დოკუმენტია და გამოხატავს ძალიან სუსტ პოზიციას დასუსტებული რეჟიმის, რომელსაც ფაქტობრივად, არავინ საერთაშორისო ასპარეზზე და იმ დედაქალაქებში არ ელაპარაკება, რომელიც ტრადიციულად საქართველოს პარტნიორებს წარმოადგენენ”, - განაცხადა ბუაძემ.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე