თბილისის საქალაქო სასამართლოსთან ქალთა ინტერპარტიული ჯგუფი აქციას მართავს. „გაათავისუფლეთ შვილები, გაათავისუფლეთ საქართველო“, „ქალებს ვერ დააწიოკებთ“, „სადაც არაა სამართალი, იქ არც თავისუფლებაა“, - ამ წარწერებით აქვთ მათ ბანერები გაშლილი.

როგორც „კოალიცია ცვლილებისთვის“ წევრი ნინო კვიტაიშვილი აცხადებს, ისინი სოლიდარობას უცხადებენ მიმდინარე საპროტესტო აქციებისას დაკავებულებს და მათ გათავისუფლებას ითხოვენ.

„ეს შენობა ბოროტების მთავარ საყრდენად, რეჟიმის მთავარ ფუნდამენტურ საფუძვლად იქცა, რადგან სწორედ აქ მიიღება ყველაზე უსამართლო და არადემოკრატიული გადაწყვეტილებები. ჩვენი დღევანდელი ერთობით, ინტერპარტიული ქალების ერთობით გვსურს სოლიდარობა გამოვხატოთ ყველა პოლიტიკური პატიმრის მიმართ, რომელიც უსამართლოდ იმყოფება რეჟიმის ტყვეობაში, ყველა იმ დედის მიმართ, ვინც სასამართლო პროცესებს ესწრება. ჩვენი სოლიდარობით გვსურს კონკრეტულ მოსამართლეებს ვუთხრათ ერთი რამ, „სამართალი ურმით, მაგრამ აუცილებლად მოვა“, - განაცხადა კვიტაიშვილმა.

თბილისის საქალაქო სასამართლოსთან იმყოფებიან მიმდინარე საპროტესტო აქციებისას დაკავებულთა ოჯახის წევრები. მათ სხვადასხვა წარწერებით აქვთ ბანერები.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე