მოიყვანეს ვიღაც პოლიციელები, რომლებმაც რაღაც ზღაპრები ილაპარაკეს. ჩვენ გვქონდა იმ დღის კადრები მოტანილი, სადაც ნათლად ჩანდა, რომ როდესაც მირიან ქავთარაძე გადიოდა არც ანა და არც მირანდა არ ჩანდა,- ამის შესახებ „კოალიცია ცვლილებისთვის“ ერთ-ერთმა ლიდერმა, ზურაბ ჯაფარიძემ განაცხადა, რითაც „გირჩი - მეტი თავისუფლებისა“ და „ახალის“ პრესსამსახურის წარმომადგენლების, ანა ყურაშვილისა და მირანდა ბაღათურიასთვის 4000-4000-ლარიანი ჯარიმის დაკისრებას გამოეხმაურა.

მისი თქმით, შსს-ს წარმომადგენლები პატიმრობას ითხოვდნენ იმისათვის, რაც საერთოდ არ მომხდარა.

„პატიმრობას ითხოვდნენ ანასა და მირანდასთან დაკავშირებით, მოიტანეს ვიდეო მტკიცებულება, რომელიც სხვა დღის ჩანაწერი იყო, სადაც არაფერი არ ხდებოდა და არაფერი არ ჩანდა. მოიყვანეს ვიღაც პოლიციელები, რომლებმაც რაღაც ზღაპრები ილაპარაკეს. ჩვენ გვქონდა იმ დღის კადრები მოტანილი, სადაც ნათლად ჩანდა, რომ როდესაც მირიან ქავთარაძე გადიოდა, არც ანა და არც მირანდა არ ჩანდა“, - განაცხადა ზურაბ ჯაფარიძემ.

ცნობისთვის, თბილისის საქალაქო სასამართლომ „გირჩი - მეტი თავისუფლებისა“ და „ახალის“ პრესსამსახურის წარმომადგენლებს, ანა ყურაშვილსა და მირანდა ბაღათურიას 4000-4000- ლარიანი ჯარიმა დააკისრა. მათ ადმინისტრაციულ სამართალდარღვევათა კოდექსის 173-ე მუხლის მეორე ნაწილის საფუძველზე პოლიციელის, მირიან ქავთარაძის შეურაცხყოფას ედავებოდნენ. შსს კი ორივესთვის პატიმრობას ითხოვდა.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე