თანაინვესტირების ფონდის ყოფილი გენერალური დირექტორი, გიორგი ბაჩიაშვილი პროკურატურაში ახალ საქმეზე დაიბარეს და ბრალიც წაუყენეს.

ბაჩაშვილის განცხადებით, ახალი ბრალი, რასაც მას ედავებიან, სრულად ხანდაზმულია.

როგორც ბაჩიაშვილი აღნიშნავს,“მტკვარი ჰესის“ საქმეზე წარდგენილი ახალი ბრალი მასზე ზეწოლის მიზანს ემსახურება.

როგორც ბრალდებული აღნიშნავს, ის შეფარდებულ გირაოს 30 დღის განმავლობაში გადაიხდის.

„შეგვეფარდა გირაო, ამ გადაწყვეტილებამ არ გამაკვირვა. სამწუხაროდ, სასამართლო ჩვენს ქვეყანაში, ყოველთვის, თავიდან ბოლომდე იზიარებს ივანიშვილის პოზიციას და ახლაც ზუსტად ასე განმეორდა.

ამ ახალ დაწყებულ საქმეს, რა თქმა უნდა, გაზრდილ ზეწოლას და თანხის გამოძალვის ოპერაციას ვუკავშირებ, რომელიც ჩემს წინააღმდეგ მიმდინარეობს. თუმცა, შეფარდებული გირაო რაღაც განსაკუთრებულად ახალი ზეწოლა არ არის, რადგან 2 წელია, ქვეყნის დატოვება მეკრძალება, დაყადაღებული მაქვს აბსოლუტურად ჩემი უძრავ-მოძრავი ქონება და წილები კომპანიაში, ამიტომ ამ ზეწოლას ჩემთვის არანაირი მნიშვნელობა არ აქვს.

მტკიცებულება 11 ტომი გადმოგვეცა და ძალიან დიდი მოცულობით კომპიუტერული ინფორმაცია. ამ მტკიცებულებებს გავაანალიზებთ, თუმცა, რისი შესწავლაც ჩვენ მოვასწარით, იკვეთება, რომ მუხლი, რასაც პროკურატურა მედავება, ხანდაზმულია და პრაქტიკულად უაზროა ბრალდების შინაარსი. ბრალდების დადგენილებას თუ შეხედავთ, შიგნით კონკრეტული დანაშაული აღნიშნული არ არის, ასევე, თუ როდის არის ეს დანაშაული ჩადენილი. უბრალოდ, წერია, რომ პროექტის ღირებულება გაიზარდა, ვადები გაწელა და სავარაუდოდ, გიორგი ბაჩაშვილმა ჩაიდინა გულგრილობა. გადახდის ვადა 30 დღე გვაქვს და ვადის განმავლობაში გადავიხდით“, - განაცხადა ბაჩიაშვილმა.

ცნობისთვის, გიორგი ბაჩიაშვილს "მტკვარი ჰესის" საქმეზე ბრალი საქართველოს სსკ-ის 2201-ე მუხლის მე-2 ნაწილით წარედგინა, რაც სპეციალური უფლებამოსილების მქონე პირის მიერ სამსახურებრივი მოვალეობის შეუსრულებლობას ან არაჯეროვნად შესრულებას გულისხმობს, რამაც მძიმე შედეგი გამოიწვია. წარდგენილი ბრალდება სასჯელის სახედ და ზომად 2-დან 5- წლამდე თავისუფლების აღკვეთას ითვალისწინებს.

ბაჩიაშვილს ედავებიან, რომ მშენებლობისას მან არაჯეროვნად შეასრულა მისდამი დაკისრებული მოვალეობა და არც ჰესის მშენებლობის დაწყებისას და არც შემდგომ პერიოდში, არ მიიღო შესაბამისი და აუცილებელი ზომები იდენტიფიცირებული რისკების თუ საფრთხეების აღმოსაფხვრელად, რაც ჰესის მშენებლობის პროცესს უკავშირდებოდა.ეს არ არის ერთადერთი საქმე, სადაც ბაჩიაშვილი ბრალდებულია. მას ასევე ედავებიან, რომ "ქართული ოცნების" დამფუძნებლის ბიძინა ივანიშვილის კუთვნილი 8986 ოდენობის ბიტკოინი მართლსაწინააღმდეგოდ მიითვისა. გიორგი ბაჩიაშვილს ამ საქმეში აღკვეთის ღონისძიების სახით 2 500 000-ლარიანი გირაო აქვს შეფარდებული, ასევე დაწესებული აქვს დამატებითი შემზღუდავი ღონისძიებები. აღნიშნული ქმედება 9-დან 12-წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times