რეჟიმი საბოლოო ჯამში დაუმორჩილებლობას მიიღებს, - ამის შესახებ ადმინისტრაციულ პასუხისგებაში მიცემულმა მსახიობმა ბაჩო ქაჯაიამ განაცხადა.

ის სასამართლოში მისი მეგობრისა და კოლეგის, მსახიობ ანა ტყებუჩავას სასამართლო პროცესზე იმყოფებოდა.

ორივე მათგანს 9 იანვარს, რუსთაველის გამზირის გადაკეტვას ედავებიან. აღნიშნულ საქმეებზე, როგორც ბაჩო ქაჯაიას, ასევე ანა ტყებუჩავას საქმეზე სასამართლო გადაწყვეტილებას 18 თებერვალს, 17:00 საათზე გამოაცხადებს.

„ის ცვლილებები, რაც კანონში შედის, ძალიან კარგი მაგალითია იმისა, რომ რეჟიმი კიდევ და კიდევ უფრო მეტად რყევაში და შიშშია, რადგან საბოლოო ჯამში ჩვენ არ ვებრძვით რეჟიმს, რეჟიმი გვებრძვის ჩვენ. ჩვენ გვინდა მშვიდობიანად, ის უფლება, რაც კონსტიტუციით გვაქვს მონიჭებული, გამოვიყენოთ. რეჟიმი ყველანაირად ცდილობს, ეს უფლება წაგვართვას. ამ კლანჭების გამოვლენით, თვითონ რეჟიმი საბოლოო ჯამში დაუმორჩილებლობას მიიღებს. ჩვენ ვემორჩილებით კანონს, კანონიერი მოქალაქეები ვართ და ჩვენს უფლებებს ვიცავთ. რაც უფრო შეგვზღუდავს, გამოვა, რომ მიიღებს დაუმორჩილებლობას“, - განაცხადა ქაჯაიამ.

ავტორი: ექსპრესნიუსი,

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს