თბილისის სახელმწიფო უნივერსიტეტის პირველ კორპუსთან, ფსიქოლოგები და ფსიქიკური ჯანმრთელობის სპეციალისტები კოლეგების - მაია ცირამუას და ქეთი ფილაურის მხარდასაჭერად აქციას მართავენ.

ადგილზე აქციის მონაწილეებს ბუშტები და ბანერები აქვთ მოტანილი, წარწერით - „ბოლოს საკუთარ შიშებთან მარტო დარჩებით და არავინ მოვა თქვენს დასახმარებლად“, „ვის ეშინია ფსიქოლოგების?“, „ქვეყნის სამსახური დანაშაული არ არის“ და ა.შ.

როგორც აქციის ერთ-ერთი მონაწილე ფსიქოლოგი აცხადებს, მიმდინარე პროცესებით ხელისუფლება ადამიანების დაშინებას ცდილობს.

„ვიცით, რომ შესაძლოა, ჩვენს კოლეგებს 15-დღიანი პატიმრობა შეუფარდონ და გვინდა, რომ მაქსიმალურად გაითვალისწინონ ჩვენი მოსაზრება, რომ არ შეიძლება ადამიანს, ყოველგვარი მშვიდობიანი პროტესტის გამოხატვისთვის პატიმრობა შეუფარდონ. ხელისუფლება, ალბათ, ცდილობს დააშინოს ადამიანები, რომ გარეთ აღარ გამოვიდნენ. არ გვეშინია და არც მომავალში შეგვეშინდება!“, - განაცხადა აქციის ერთ-ერთმა მონაწილემ.

ასევე აქციის მონაწილეთა თქმით, ისინი არამარტო კოლეგების, არამედ ბოლო პერიოდში დაკავებული პირების მხარდასაჭერადაც არიან შეკრებილები.

შეგახსენებთ, რომ აქციის პარალელურად, ქუთაისის საქალაქო სასამართლოში ადმინისტრაციული სამართალდარღვევის საქმეზე მაია ცირამუას, ნინო ქათამაძის, გელა მთივლიშვილის, ვლადიმერ აფხაზავას, ხვიჩა ვაშაყმაძის, ირინა ზარანდიას, ქეთევან ფილაურის, ეკა კუხალაშვილისა და გივი ცინცაძის სასამართლო პროცესიც მიმდინარეობს, რომლებსაც სასამართლო ადმინისტრაციულ სამართალდარღვევათა კოდექსის 174-ე მუხლით გათვალისწინებულ სამართალდარღვევას ედავება. ისინი 8 თებერვალს, ქუთაისში. მოსამართლის სახლთან მზია ამაღლობელის მხარდამჭერ საპროტესტო შეკრებას მართავდნენ, როცა შსს-მ ადმინისტრაციული სამართალდარღვევის ოქმი შეუდგინა.

ავტორი: ექსპრესნიუსი,

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს