ისრაელის თავდაცვის მინისტრმა შეიარაღებულ ძალებს გეგმის მომზადება დაავალა, რომელიც ღაზას მოსახლეობას სექტორის ნებაყოფლობით დატოვების საშუალებას მისცემს, - ამის შესახებ ინფორმაციას სააგენტო Reuters-ი ისრაელის თავდაცვის მინისტრის, ისრაელ კაცის ოფისზე დაყრდნობით ავრცელებს.

„პრეზიდენტ ტრამპის გაბედულ გეგმას მივესალმები. ღაზას მოსახლეობას წასვლისა და ემიგრირების თავისუფლება უნდა მიეცეს, როგორც ეს მთელ მსოფლიოშია მიღებული“, - აცხადებს ისრაელ კაცი.

მისი თქმით, „ჰამასს“ ღაზის სექტორის მოსახლეობა მძევლად ჰყავს აყვანილი და მათ ღაზას დატოვების უფლებას არ აძლევს.

კაცმა აღნიშნა, რომ პალესტინელები იმ ქვეყნებმა უნდა მიიღონ, რომლებიც ღაზაში ისრაელის სამხედრო მოქმედებებს ეწინააღმდეგებოდნენ.

„ისეთი ქვეყნები, როგორიც ესპანეთი, ირლანდია, ნორვეგია და სხვებია, რომლებიც ღაზაში მოქმედებების გამო ისრაელს ცრუ ბრალდებებს უყენებდნენ, კანონით ვალდებულები არიან, რომ ღაზის მოსახლეობა მათ ტერიტორიაზე დაუშვან“, - აღნიშნა ისრაელის თავდაცვის მინისტრმა.

შეგახსენებთ, აშშ-ის პრეზიდენტმა, დონალდ ტრამპმა გუშინ განაცხადა, რომ შეერთებული შტატები ღაზას სექტორზე კონტროლს დააწესებს და განადგურებული ანკლავის აღდგენას უზრუნველყოფს.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის