გაბრელიუს ლანდსბერგისმა  "ექსპრესნიუსთან" ექსკლუზიურ ინტერვიუში შეერთებული შტატების პრეზიდენტის, დონალდ ტრამპისა და ევროკავშირის ურთიერობებზეც ისაუბრა.

როგორც ლანდსბერგისი აცხადებს, კითხვა ასეთია: რა შეუძლია ევროპას გააკეთოს ტრამპისთვის? რაარის ევროპის პოლიტიკა და რა სჭირდება მას ტრამპისგან.

გაბრელიუს ლანდსბერგის თქმით, ევროპას სჭირდება თავდაცვა, უსაფრთხოება.  ევროპელები არ არიან  მზად რუსეთის აგრესიისთვის და მათ სჭირდებათ ამერიკელები - ,,ჩვენ ახლა იმ მდგომარეობაში ვართ, რომ ყველა რაღაცას ველოდებით ტრამპისგან".

კითხვა ასეთია: რა შეუძლია ევროპას გააკეთოს ტრამპისთვის? რა არის ჩვენი პოლიტიკა? და რა გვჭირდება ტრამპისგან. გვჭირდება თავდაცვა, გვჭირდება უსაფრთხოება, რადგან ჩვენ ეს არ გვაქვს. არ გვაქვს ევროპული არმია, არ ვართ მზად რუსეთის აგრესიისთვის. ასე რომ, გვჭირდება ამერიკელები.

ახლა ბრიუსელში ამბობენ, რომ ალბათ უნდა გავაგრძელოთ რუსული გაზის ყიდვა. მე ვამბობ, რომ ეს თვითმკვლელობაა, არ უნდა იყიდოთ რუსული გაზი. უნდა იყიდოთ ამერიკული გაზი. უნდა იყიდოთ ამერიკული იარაღი. უნდა ვიყიდოთ მეტი ამერიკული საჰაერო თავდაცვის სისტემა. ეს არის ის, რაც ევროპას შეუძლია გააკეთოს. - თქვა გაბრელიუს ლანდსბერგისმა. 

მისივე შეფასებით, ის, რაც ტრამპმა უკრაინის შესახებ თქვა, რომ პუტინმა უნდა შეაჩეროს ომი, წინააღმდეგ შემთხვევაში სანქციებს უნდა ელოდოს, მნიშვნელოვანი განცხადება იყო.

,,რაც თქვა [ტრამპმა] გრენლანდიაზე, შესაძლოა ცოტა აღმაშფოთებელი იყოს. მაგრამ ჩვენ ველოდებით. ველოდებით უკრაინის შესახებ, ველოდებით გრენლანდიის შესახებ, ველოდებით პანამაზე... რა არის ჩვენი სტრატეგია? რა უნდა გააკეთოს ევროპამ? არის რაიმე, რაც ჩვენ შეგვიძლია გავაკეთოთ თუ უბრალოდ უნდა ველოდოთ? ვფიქრობ, რომ მხოლოდ მოლოდინში არ უნდა ვიმყოფებოდეთ“ - განაცხადა ლიეტუველმა დიპლომატმა  "ექსპრესნიუსთან" ექსკლუზიურ ინტერვიუში.

ავტორი: ექსპრესნიუსი,

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა