ესტონეთის პრემიერ-მინისტრი კაია კალასი აცხადებს, რომ უკრაინაში ომის დასასრულებლად აუცილებელია რუსეთის წინააღმდეგ ზეწოლის გაგრძელება. მისი თქმით, აშშ-სა და ევროკავშირს ამ საკითხზე ერთიანი პოზიცია აქვთ და ისინი მზად არიან, რომ კრემლზე მაქსიმალური გავლენა მოახდინონ.

კალასმა აღნიშნა, რომ რუსეთს არ უნდა მიეცეს ომის გაგრძელების საშუალება და მნიშვნელოვანია, რომ საერთაშორისო პარტნიორებმა უკრაინის მხარდაჭერა არ შეამცირონ.

„მხოლოდ ერთიანი და მტკიცე ზეწოლით შეგვიძლია დავარწმუნოთ რუსეთი, რომ ეს ომი არ არის მისთვის მომგებიანი. დასავლეთის კოორდინირებული მოქმედება სასიცოცხლოდ მნიშვნელოვანია უკრაინის გამარჯვებისთვის“, – განაცხადა მან.

ესტონეთის ლიდერმა ასევე ხაზი გაუსვა, რომ სანქციების გაძლიერება და დიპლომატიური ზეწოლა რუსეთის იზოლაციისთვის მთავარი იარაღია.

შეგახსენებთ, რომ აშშ და ევროკავშირი უკვე რამდენიმე თვეა განიხილავენ რუსეთის წინააღმდეგ დამატებითი სანქციების დაწესებას, რათა მოსკოვს კიდევ უფრო გაურთულდეს სამხედრო რესურსების მობილიზება.

ავტორი: ექსპრესნიუსი,

სოციალური ქსელები

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა

WSJ: აშშ-სა და ისრაელის დაბომბვებმა ირანს ბირთვული ბომბის შექმნის შესაძლებლობა არ წაართვა

ორბანი და უნგრეთის საგარეო საქმეთა მინისტრი სიიარტო არჩევნებში დამარცხების შემდეგ საზოგადოების თვალთახედვიდან გაუჩინარდნენ

ანაპას სანაპიროზე ნავთობის დაღვრის შედეგად 200-ზე მეტი დაშავებული ფრინველი აღმოაჩინეს