აშშ-ის პრეზიდენტმა დონალდ ტრამპმა განაცხადა, რომ ის „დიდი ალბათობით“ დააწესებს ახალ სანქციებს რუსეთის წინააღმდეგ, თუ რუსეთის პრეზიდენტი ვლადიმერ პუტინი უარს იტყვის უკრაინაში ომის დასრულების მოლაპარაკებაზე, - იტყობინება საინფორმაციო სააგენტო dpa.

თეთრი სახლის ხელმძღვანელმა სამშაბათს გამართულ პრესკონფერენციაზე ხაზგასმით აღნიშნა, რომ მზად არის შეხვდეს რუსეთის ლიდერს და უკრაინის პრეზიდენტს ვლადიმირ ზელენსკის "როდესაც მათ სურთ". ტრამპმა ასევე კიდევ ერთხელ ეჭვქვეშ დააყენა უკრაინის ომის მსხვერპლთა ოფიციალური რაოდენობა. მისი თქმით, ომმა უკვე შეიწირა „მილიონობით ადამიანის სიცოცხლე“. ამრიგად, ამერიკის პრეზიდენტის შეფასებით, მოსკოვის ზარალი დაახლოებით 800 ათასი ადამიანია, ხოლო კიევის 600-დან 700 ათასამდე ადამიანი.

ტრამპმა ასევე გააკრიტიკა ის ფაქტი, რომ შეერთებულ შტატებს უკრაინის დახმარებისთვის არაპროპორციულად მაღალი ფინანსური ტვირთი აკისრია ნატოს სხვა ქვეყნებთან შედარებით და მოუწოდა ალიანსის პარტნიორებს გაზარდონ თავდაცვის ხარჯები მშპ-ს 5 პროცენტამდე. "ეს უფრო მათზეა, ვიდრე ჩვენზე. ჩვენ შორის ოკეანეა, არა? ამ პატარა ნივთს ოკეანე ჰქვია", - ხაზგასმით აღნიშნა მან.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა