ჯანდაცვის მსოფლიო ორგანიზაცია (WHO) გამოთქვამს შეშფოთებას შეერთებული შტატების მიერ ორგანიზაციის დატოვების შესახებ გააკეთებული განცხადების გამო. ორგანიზაციის ოფიციალური ვებ-გვერდის მიხედვით, WHO-იმ განაცხადა, რომ „წუხს განცხადებაზე, რომ შეერთებული შტატები ორგანიზაციიდან გასვლას გეგმავს“.

ჯანდაცვის მსოფლიო ორგანიზაციამ აღნიშნა, რომ ბოლო 7 წლის განმავლობაში, აშშ-სა და სხვა წევრი სახელმწიფოების მონაწილეობით, განხორციელდა რეფორმების უზარმაზარი კომპლექსი, რომელიც მიზნად ისახავდა ანგარიშვალდებულების გაუმჯობესებას, ხარჯების ეფექტურობის ზრდას და მსოფლიოს ქვეყნებში ორგანიზაციის გავლენის ტრანსფორმირებას. ორგანიზაცია აღნიშნავს, რომ ეს სამუშაო გრძელდება.

„ვიმედოვნებთ, რომ შეერთებული შტატები გადახედავს [გადაწყვეტილებას] და ველით კონსტრუქციულ დიალოგში ჩართვას აშშ-სა და WHO-ს შორის პარტნიორობის შესანარჩუნებლად, მსოფლიოს მასშტაბით მილიონობით ადამიანის ჯანმრთელობისა და კეთილდღეობის სასარგებლოდ,“ – ნათქვამია განცხადებაში.

ცნობისთვის, აშშ-ის პრეზიდენტმა, დონალდ ტრამპმა, განაცხადა, რომ შეერთებული შტატები დატოვებს ჯანდაცვის მსოფლიო ორგანიზაციას. ტრამპის მიერ ხელმოწერილ აღმასრულებელი ბრძანების მიხედვით, ორგანიზაციის დატოვების მიზეზები მოიცავს COVID-19 პანდემიის არასწორ მართვას, რეფორმების გატარების კუთხით წარუმატებლობას და ორგანიზაციის წევრი ქვეყნების პოლიტიკური გავლენებისგან დამოუკიდებლობის გაუმართლებლობას.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის