ირაკლი ქადაგიძე პეტრიაშვილის საქმეზე: შესაძლებელი იყო ამ დანაშაულის ცხელ კვალზე გახსნა

2016-03-01 23:48:56, 630 ნახვა

სამართალი

კრიმინალური პოლიციის დეპარტამენტის ყოფილი უფროსი, ირაკლი ქადაგიძე ალექსი პეტრიაშვილის დაჭრის ფაქტს გამოეხმაურა და აღნიშნა, რომ დანაშაულის ცხელ კვალზე გახსნა შესაძლებელი იყო. მისი თქმით, სანამ გამოძიება არ დაასრულებს თავის საქმეს, მანამდე მოტივებზე საუბარი მხოლოდ ხელს შეუშლის გამოძიებას.

''რა თქმა უნდა, შესაძლებელი იყო ამ დანაშაულის ცხელ კვალზე გახსნა, მაგრამ დღემდე ეს დანაშაული გაუხსნელია. ფაქტობრივი მონაცემები იძლევა საფუძველს იმისას, რომ გამოძიება რაღაც ეტაპამდე იყოს მისული. ერთი მნიშვნელოვანი რამ მინდა ვთქვა, რომ ჩვენ ამ ხუთი დღის განმავლობაში არაერთხელ მოვისმინეთ განცხადებები იმასთან დაკავშირებით, რომ არსებობს მოტივი, თუ რატომ უნდა მომხდარიყო ეს დანაშაული. მაგრამ მე ვიტყვი ერთ რამეს, რომ ეს არის შეცდომა. ეს არის გამოძიებისთვის ხელის შეშლა და არავითარ შემთხვევაში, სანამ გამოძიება არ დაასრულებს თავის საქმეს, მანამდე ამ მოტივებზე საუბარი მხლოდ და მხოლოდ ხელს შეუშლის გამოძიებას,'' - განაცხადა ირაკლი ქადაგიძემ, გადაცემა არჩევანში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან