ევროპულმა საბჭომ 16 დეკემბრის სხდომაზე ქართული დიპლომატიური პასპორტებისთვის უვიზო მიმოსვლის შეჩერება გადაწყვიტა. ამის შესახებ ინფორმაციას „რადიო თავისუფლება“ ავრცელებს.

როგორც მედიასაშუალება წერს, ევროკავშირის საგარეო საქმეთა მინისტრების დღევანდელ სხდომაზე კვალიფიციურმა უმრავლესობამ (ევროკავშირის წევრი სახელმწიფოების მინიმუმ 55%, რომლებიც წარმოადგენენ მოსახლეობის მინიმუმ 65%-ს) მხარი დაუჭირა ქართული დიპლომატიური პასპორტებისთვის უვიზო მიმოსვლის პროცედურის წამოწყებას.

ევროკავშირის საბჭომ ევროკომისიას დაავალა, რომ ამ საკითხზე ფორმალური დოკუმენტი წარადგინოს.

„რადიო თავისუფლების“ წყაროს ცნობით, ევროკომისიას ამასთან დაკავშირებით უკვე დაწყებული ჰქონდა მუშაობა და ოფიციალურ დოკუმენტს უახლოეს დღეებში წარადგენს.

„ევროკავშირის წევრი სახელმწიფოების ნაწილი ემხრობოდა სანქციების დაწესებას „ქართული ოცნების" მაღალჩინოსნებისთვის. გამოცემა Politico-ს თანახმად, ამას ლობირებდა ევროკავშირის უმაღლესი წარმომადგენელი საგარეო და უსაფრთხოების საკითხებში, კაია კალასიც, რომელიც ევროკავშირის საგარეო ურთიერთობათა საბჭოს თავმჯდომარეცაა. თუმცა, ამის წინააღმდეგი არიან უნგრეთი და სლოვაკეთი“,- წერს მედიასაშუალება.

ბრიუსელში ევროკავშირის საგარეო საქმეთა მინისტრების შეხვედრა კვლავ გრძელდება, თუმცა მინისტრებმა უკვე დაასრულეს მსჯელობა საქართველოს შესახებ. საბჭოს შეხვედრის დასრულების შემდეგ, ჩატარდება ოფიციალური პრესკონფერენციაც.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო