პარლამენტის თავმჯდომარე დავით უსუფაშვილი პარტია "თავისუფალი დემოკრატების" გენერალური მდივნის ალექსი პეტრიაშვილის დაჭრის ფაქტს ეხმაურება.

უსუფაშვილის თქმით,  დამნაშვეები რაც შეიძლება სწრაფად უნდა გამოვლინდნენ და  კანონის მთელი სიმკაცრით დაისაჯონ.

მისივე თქმით, საქართველოში ადამიანებს უნდა ჰქონდეთ განცდა, რომ დაცულები არიან:

"კანონის მთელ სიმკაცრეზე ამ შემთხვევაში ყურადღებას ვამახვილებ სრულიად შეგნებულად იმიტომ, რომ ეს არის სასამართლოს და პროკურატურის საქმე, მაგრამ ჩვენ-საზოგადოება, პარლამენტარები,  ადამიანები როდესაც სისხლის სამართლის  კოდექსში ვწერთ რაღაც მუხლებს და შემდეგ იქ ვსაზღვრავთ სასჯელს აქედან აქამდე, იქიდან აქამდე, რას ვითვალისწინებთ? ვითვალისწინებთ იმას, რომ როდესაც დანაშაული ხდება, განსაკუთრებით საზოგადოებისადმი, ადამიანისადმი,  სიცოცხლისადმი, კანონით დაცული სიკეთისადმი ასეთი უპატივცემულობით, ასეთ დროს სასჯელი უნდა იყოს მაქსიმალურად მკაცრი და დარწმუნებული ვარ,  სამართალდამცავი ორგანოები თავიანთ მოვალეობას თავს ძალიან სწრაფად გაართმევენ. კარგი ამბავი ისაა, რომ ბუკას ჯანმრთელობას,  მის სიცოცხელს საფრთხე არ ემუქრება.ეს არ არის ისეთი თემა, რომელიც უცებ ჩაივლის, იმიტომ, რომ ფართოდ უნდა შევხედოთ მსგავს საკითხებს და საქართველოში ადამიანები უნდა ვიყოთ იმ განცდით, რომ ვართ დაცული", - განაცხადა დავით უსუფაშვილმა.

შეგახსენებთ,  26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს. მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა. შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო