უნგრეთის პრემიერ-მინისტრმა ვიქტორ ორბანმა მკაცრად დაგმო ჰააგის სასამართლოს გადაწყვეტილება ისრაელის პრემიერ-მინისტრ ბენიამინ ნეთანიაჰუს დაპატიმრების ორდერის გაცემის შესახებ. სახელმწიფო რადიოში საუბრისას მან პირობა დადო, რომ მოიწვევდა ნეთანიაჰუს უნგრეთში, ხოლო ბუდაპეშტი უგულებელყოფდა სასამართლოს გადაწყვეტილებას.

მან ICC-ის გადაწყვეტილებას უწოდა "ცინიკური" და "მცდარი" და დაადანაშაულა სასამართლო "მიმდინარე კონფლიქტში ჩარევაში" პოლიტიკური მიზეზების გამო.

ICC-ის გადაწყვეტილებას საჯაროდ არ დაეთანხმნენ ასევე შეერთებული შტატების და არგენტინის პრეზიდენტები ჯო ბაიდენი და ხავიერ მაილი. პირველმა ნეთანიაჰუსა და გალანტის დაპატიმრების ორდერის გაცემას ჰამასის ლიდერებთან ერთად "აღმაშფოთებელი" უწოდა, ხოლო მეორემ სასამართლო დაადანაშაულა ისრაელის უფლების უგულებელყოფაში, დაიცვას თავი ტერორისტული ორგანიზაციების თავდასხმებისგან.

ამავდროულად, ევროპული სახელმწიფოს რამდენიმე მაღალჩინოსანმა განაცხადა მზადყოფნა საჭიროების შემთხვევაში დაეპატიმრებინა ნეთანიაჰუ. ჰოლანდიის საგარეო საქმეთა მინისტრმა კასპარ ველდკამპმა განაცხადა, რომ მისი ქვეყანა იმოქმედებს საერთაშორისო სასამართლოს გადაწყვეტილების შესაბამისად. ანალოგიური პოზიცია დაიკავა იტალიის თავდაცვის მინისტრმა გვიდო კროზეტომ.

სასამართლოს გადაწყვეტილებას მხარი დაუჭირეს ბელგიის, შვედეთისა და თურქეთის საგარეო საქმეთა მინისტრებმაც. ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ხოსეპ ბორელმა განაცხადა, რომ ბენჯამინ ნეთანიაჰუს და იოავ გალანტის დაკავება ICC ორდერებით სავალდებულო გადაწყვეტილებაა. "ეს არ არის პოლიტიკური გადაწყვეტილება. ეს არის სასამართლო, კანონიერი გადაწყვეტილება ICC. და სასამართლოს გადაწყვეტილება პატივი უნდა სცეს და შესრულდეს", - განაცხადა მან.

გერმანიის მთავრობას ძნელად წარმოუდგენია სიტუაცია, როდესაც ისრაელის პრემიერ მინისტრი ბენიამინ ნეთანიაჰუ ქვეყანაში სისხლის სამართლის საერთაშორისო სასამართლოს (ICC) ორდერის საფუძველზე დააპატიმრებენ. - განაცხადა გერმანიის მთავრობის ოფიციალურმა წარმომადგენელმა შტეფენ ჰებესტრეიტმა .

გარდა ამისა, ჰებესტრეიტმა განმარტა, რომ ნეთანიაჰუს დაკავების საკითხი მხოლოდ გერმანიაში ჩასვლის შემთხვევაში დადგება. თავის მხრივ, გერმანიის საგარეო საქმეთა მინისტრმა ანნალენა ბაერბოკმა განაცხადა, რომ ბერლინი „სწავლობს, თუ რას ნიშნავს ეს ნეთანიაჰუს დაკავების ორდერი გერმანიისთვის“.

ავტორი: ექსპრესნიუსი,

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად