ფრაქცია „ქართული ოცნების“ თავმჯდომარის გია ვოლსკის თქმით, ფრაქციის სხდომაზე  პრემიერ-მინისტრმა როგორც „მრეწველებს“, ისე „რესპუბლიკელებს“ განცხადების გაკეთებისას კორექტულობისკენ მოუწოდა.

როგორც ვოლსკიმ სხდომის დასრულების შემდეგ ჟურნალისტებს განუცხადა, გოგი თოფაძესა და „რესპუბლიკელებს“ შორის  უთანხმოების საკითხს პოლიტსაბჭოს ფორმატშიც განიხილავენ.

თუმცა, ვოლსკის განმარტებით, პრემიერი სხდომის ჩატარების თარიღზე ჯერ არ ჩამოყალიბებულა.

„პრემიერმა  კორექტულობისაკენ მოუწოდა არანაკლებ „მრეწველებისა “   „რესპუბლიკელებსაც“, რომ განცხადებების დროს დავიცვათ კორექტულობა, გამომდინარე პოლიტიკური მნიშვნელობიდანაც და პიროვნული ურთიერთობიდან, რომელიც გუნდს უნდა ახასიათებდეს. ვფიქრობ, კოალიციურობასთან დაკავშირებით კითხვები არ იქნება, მაგრამ ამ საკითხს უახლოეს პოლიტსაბჭოს სხდომაზე დავუბრუნდებით“,-განაცხადა გია ვოლსკიმ და დასძინა, რომ ფრაქციის შეხვედრა პრემიერთან საკმაოდ საქმიანი იყო, რომელზეც სხვა საკითხებთან ერთად  მომავალ საკომიტეტო მუშაობაზეც იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის